144 సెక్షన్ ఉన్నప్పుడు.. కేసీఆర్ సభ ఎలా పెడతారు: జంధ్యాల

కొడంగల్‌లో రేవంత్ రెడ్డి అరెస్ట్‌ను తీవ్రంగా ఖండించారు కాంగ్రెస్ నేత జంధ్యాల రవిశంకర్.. గాంధీభవన్‌లో కుంతియా, జైపాల్ రెడ్డి తదితరులతో మీడియాతో మాట్లాడిన ఆయన కొడంగల్‌‌లో 144 సెక్షన్ అమల్లో ఉన్నప్పుడు ముఖ్యమంత్రి కేసీఆర్ సభ ఎలా పెడతారని ప్రశ్నించారు.

పక్క రాష్ట్రం సీఎంను తిరగనివ్వనని కేసీఆర్ అన్నప్పుడు ఎన్నికల సంఘానికి గుర్తు రాలేదా అని ప్రశ్నించారు. పోలీస్ పహారాతో కొడంగల్‌లో గెలవాలని కేసీఆర్ చూస్తున్నారని రవిశంకర్ విమర్శించారు.. రేవంత్ రెడ్డిని ఎలాగైనా ఓడించడానికి టీఆర్ఎస్ రిగ్గింగ్‌కు పాల్పడాలని చూస్తుందని రవిశంకర్ ఆరోపించారు. అక్రమంగా అరెస్ట్ చేసిన రేవంత్‌ను విడుదల చేయకపోతే చట్టపరంగా ముందుకు వెళతామని ఆయన హెచ్చరించారు.