ఎమ్మెల్యే కోనప్పపై ఎఫ్ఆర్ఓ అనిత సంచలన వ్యాఖ్యలు

 గతంలో కూడ తనను రెండు మూడు దఫాలు ఎమ్మెల్యే వర్గీయులు బెదిరింపులకు పాల్పడ్డారని ఎఫ్ఆర్ఓ అనిత  ఆరోపించారు. తన మాట వినని అధికారులను ఎమ్మెల్యే  బదిలీ చేయించారని ఆమె గుర్తు చేశారు.  

కాగజ్‌నగర్: గతంలో కూడ తనను రెండు మూడు దఫాలు ఎమ్మెల్యే వర్గీయులు బెదిరింపులకు పాల్పడ్డారని ఎఫ్ఆర్ఓ అనిత  ఆరోపించారు. తన మాట వినని అధికారులను ఎమ్మెల్యే  బదిలీ చేయించారని ఆమె గుర్తు చేశారు.

ఆసుపత్రిలో  ఎఫ్ఆర్ఓ అనిత ఓ తెలుగు న్యూస్ ఛానెల్‌తో మాట్లాడారు. తాము చెప్పిన మాటలను అధికారులు వినాల్సిందేనని.... మాట వినని అధికారులకు పనిచేసే పరిస్థితి ఉండదని అనిత గుర్తు చేశారు. 

ఎమ్మెల్యేతో పాటు ఆయన సోదరుడు జిల్లా పరిషత్ వైస్ చైర్మెన్ కృష్ణకు  బలం, బలగం ఉందన్నారు.ఈ కారణంగానే ఎవరూ కూడ వారిని ఎదిరించే పరిస్థితి ఉండదన్నారు. గతంలో కూడ ఇదే రకంగా అధికారులు బదిలీ అయ్యారని ఆమె చెప్పారు.

తనను కూడ  సంగతి చూస్తానని బెదిరించారని ఆమె ఆరోపించారు. ఇక కిందిస్థాయి సిబ్బందిని తీవ్రంగా  బెదిరించేవారన్నారు.

సంబంధిత వార్తలు