ఏం ముఖం పెట్టుకొని కేసీఆర్ ఓట్లడుగుతున్నారు: మల్లు

 నాలుగేళ్ల క్రితం ఇచ్చిన హమీలను టీఆర్ఎస్ అమలు చేయలేదని కాంగ్రెస్ పార్టీ  సీనియర్ నేత మల్లు భట్టి విక్రమార్క ఆరోపించా

మధిర: నాలుగేళ్ల క్రితం ఇచ్చిన హమీలను టీఆర్ఎస్ అమలు చేయలేదని కాంగ్రెస్ పార్టీ  సీనియర్ నేత మల్లు భట్టి విక్రమార్క ఆరోపించారు. దోపీడీ చేసిన డబ్బుతో  ఓట్లను కొనుగోలు చేసేందుకు టీఆర్ఎస్ ప్రయత్నిస్తోందన్నారు. మధిర పౌరుషం ఏమిటో చూపిస్తామని భట్టి టీఆర్ఎస్‌కు సవాల్ చేశారు

ఉమ్మడి ఖమ్మం జిల్లాలోని మధిరలో సోమవారం నాడు జరిగిన కాంగ్రెస్ పార్టీ ఎన్నికల సభలో  కాంగ్రెస్ పార్టీ నేత మల్లు భట్టి విక్రమార్క టీఆర్ఎస్ చీఫ్ కేసీఆర్ పై విమర్శలు గుప్పించారు.

ఎన్నికల సమయంలో  ఇచ్చిన హమీలను  కేసీఆర్ అమలు చేయలేదన్నారు. డబుల్ బెడ్ రూమ్ ఇళ్ల నిర్మాణంతో పాటు, దళితులకు మూడెకరాలు భూమిని ఇస్తామని  హామీ ఇచ్చిన టీఆర్ఎస్ ఎందుకు  అమలు చేయలేదో చెప్పాలని ఆయన డిమాండ్ చేశారు.

ఈ హామీలను  అమలు చేయనందుకు గాను ఓట్ల కోసం వచ్చే టీఆర్ఎస్ నేతలను  నిలదీయాలన్నారు. ప్రజలకు ఇచ్చిన హమీలను అమలు చేయని కేసీఆర్ కు, టీఆర్ఎస్ నేతలకు ఓట్లు అడిగే  హక్కు లేదన్నారు. ఏ ముఖం పెట్టుకొని ఓట్లు అడుగుతున్నారో చెప్పాలన్నారు.

ఈ ఎన్నికలు ప్రజలకు మధ్య దొరలకు మధ్య పోరాటంగా ఆయన  అభివర్ణించారు.ప్రజా కూటమి అధికారంలోకి వస్తే రైతులకు రెండు లక్షల పంట రుణాలను మాఫీ చేస్తామని ఆయన హామీ ఇచ్చారు. 

అంతేకాదు కూలీ బందు పథకాన్ని కూడ ప్రవేశపెడతామన్నారు. రైతు బంధు పథకాన్ని కౌలు రైతులకు కూడ వర్తింపజేస్తామని భట్టి హమీ ఇచ్చారు.మధిర పౌరుషాన్ని చూపిస్తామన్నారు.ప్రజలను మోసం చేసేవారికి బుద్ది చెప్పేందుకు ప్రజలు సిద్దంగా ఉన్నారని ఆయన  చెప్పారు.

సంబంధిత వార్తలు