తెలంగాణ అసెంబ్లీ రద్దుపై 200 పిల్స్ దాఖలు

తెలంగాణ అసెంబ్లీని రద్దు చేయడంపై మాజీ మంత్రి డికె అరుణతో పాటు  కాంగ్రెస్ పార్టీ అనుబంధ సంఘాలు సుమారు 200 ప్రజాప్రయోజన వ్యాజ్యాలు (పిల్)దాఖలు చేశారు.

హైదరాబాద్: తెలంగాణ అసెంబ్లీని రద్దు చేయడంపై మాజీ మంత్రి డికె అరుణతో పాటు  కాంగ్రెస్ పార్టీ అనుబంధ సంఘాలు సుమారు 200 ప్రజాప్రయోజన వ్యాజ్యాలు (పిల్)దాఖలు చేశారు.ఈ పిటిషన్లను ఒకే పిటిషన్‌గా భావిస్తూ హైకోర్టు సోమవారం నాడు  విచారణను ప్రారంభించింది.

అసెంబ్లీని సమావేశపర్చకుండా  అసెంబ్లీని రద్దు చేయడంపై  మాజీ మంత్రి డికె అరుణ ప్రజా ప్రయోజన వ్యాజ్యాన్ని
 హైకోర్టులో  సోమవారం నాడు  దాఖలు చేసింది.ఈ పిటిషన్‌కు తోడుగా  మరో 200 పిటిషన్లు దాఖలయ్యాయి.

ఈ పిటిషన్లను హైకోర్టు విచారణకు స్వీకరించింది. మాజీ మంత్రి డికె అరుణ తరపున  న్యాయవాది నిరూప్‌రెడ్డి వాదిస్తున్నారు. రాష్ట్ర ప్రభుత్వం తరపున  అడ్వకేట్ జనరల్ తన వాదనను విన్పిస్తున్నారు.

అయితే అసెంబ్లీ రద్దుపై  మెజారిటీ ఎమ్మెల్యేల అభిప్రాయం తీసుకోకుండానే నిర్ణయం తీసుకోవడంపై డికె అరుణ తరపున న్యాయవాది  ప్రభుత్వ తీరును  తప్పుబడుతూ వాదించారు. 

సంబంధిత వార్తలు