ఐఎన్ఎక్స్ కేసులో ముగిసిన వాదనలు: తీర్పుపై ఉత్కంఠ

ఐఎన్ఎక్స్  మీడియా కేసులో మాజీ కేంద్ర మంత్రి చిదంబరం కస్టడీకి ఇవ్వాలని సీబీఐ అధికారుల వాదనపై కోర్టు గురువారం సాయంత్రం  ఐదున్నర  గంటలకు తీర్పును ఇవ్వనుంది.  

న్యూఢిల్లీ: ఐఎన్ఎక్స్  మీడియా కేసులో మాజీ కేంద్ర మంత్రి చిదంబరం కస్టడీకి ఇవ్వాలని సీబీఐ అధికారుల వాదనపై కోర్టు గురువారం సాయంత్రం  ఐదున్నర  గంటలకు తీర్పును ఇవ్వనుంది.

ఐఎన్ఎక్స్ కేసులో  చిదంబరానికి సీబీఐ బుధవారం నాడు అరెస్ట్ చేసింది.  ఈ కేసులో  చిదంబరాన్ని  తమ కస్టడీకి ఇవ్వాలని సీబీఐ తరపు న్యాయవాది కోర్టును కోరారు.

సీబీఐ తరపు అధికారుల ప్రశ్నలకు చిదంబరం నోరు విప్పకపోవడం కూడ చట్టానికి సహకరించకపోవడమేనని సీబీఐ తరపు న్యాయవాదులు చెప్పారు.
అయితే సీబీఐ అడిగిన  12 ప్రశ్నల్లో ఆరు ప్రశ్నలకు చిదంబరం సమాధానం చెప్పినట్టుగా కపిల్ సిబల్ చెప్పారు.

కోర్టులో వాదనలు జరుగుతున్న సమయంలో తనకు మాట్లాడే అవకాశం ఇవ్వాలని చిదంబరం కోర్టును కోరారు.అయితే ఈ విషయమై సొలిసిటర్ జనరల్ అభ్యంతరం వ్యక్తం చేశారు. కానీ చిదంబరం మాట్లాడేందుకు కోర్టు అనుమతి ఇచ్చింది.

లంచం అడిగానని వచ్చిన వార్తల్లో వాస్తవం లేదన్నారు. ఈ విషయమై సీబీఐ, చిదంబరం తరపు న్యాయవాదులు తమ వాదనలను విన్పించారు.ఈ కేసు విషయమై తీర్పును 30 నిమిషాల పాటు కోర్టు రిజర్వ్ లో ఉంచింది. సాయంత్రం ఐదున్నర గంటలకు తీర్పును వెలువరించనున్నట్టు కోర్టు ప్రకటించింది.

సంబంధిత వార్తలు