జమ్ము కశ్మీర్ పై అమిత్ షా అణుబాంబు వేశారు, కలలో కూడా ఊహించలేదు: ఆర్టికల్ 370 రద్దుపై ఆజాద్

 కశ్మీర్ విభజన తాను కలలో కూడా ఊహించలేదని చెప్పుకొచ్చారు. హోంమంత్రి అమిత్ షా జమ్ము కశ్మీర్ పై అణుబాంబు వేశారంటూ మండిపడ్డారు. పారామిలటరీ బలగాలను పెద్ద ఎత్తున పంపారని విమర్శించారు. అమర్ నాథ్ యాత్రికులను సైతం భయపెట్టి వెనక్కి పంపారంటూ విరుచుకుపడ్డారు.  

 న్యూఢిల్లీ: ఆర్టికల్ 370 రద్దుపై రాజ్యసభ శాసన సభాపక్ష నేత గులాం నబీ ఆజాద్ సంచనల వ్యాఖ్యలు చేశారు. సంఖ్యాబలం ఉందని కేంద్రంలోని బీజేపీ ఏకపక్ష నిర్ణయాలు తీసుకుంటుందని ఆరోపించారు. కశ్మీర్ విభజన తాను కలలో కూడా ఊహించలేదని చెప్పుకొచ్చారు. 

హోంమంత్రి అమిత్ షా జమ్ము కశ్మీర్ పై అణుబాంబు వేశారంటూ మండిపడ్డారు. పారామిలటరీ బలగాలను పెద్ద ఎత్తున పంపారని విమర్శించారు. అమర్ నాథ్ యాత్రికులను సైతం భయపెట్టి వెనక్కి పంపారంటూ విరుచుకుపడ్డారు. 

అందర్నీ వెనక్కి పంపి హడావిడిగా నిర్ణయాలు తీసుకున్నారంటూ విరుచుకుపడ్డారు. కేంద్ర ప్రభుత్వం ఓటు బ్యాంకు రాజకీయాల్లో భాగంగా ఈ నిర్ణయం తీసుకుందంటూ మండిపడ్డారు.తాము ఎట్టి పరిస్థితుల్లో ఓటు బ్యాంకు రాజకీయాలను సహించేది లేదని చెప్పుకొచ్చారు. 

జమ్ము కశ్మీర్ ప్రజలకు భారత్ పై ఎంతో గౌరవం ఉందని అయితే కేంద్ర ప్రభుత్వం తీసుకున్న నిర్ణయం వల్ల వారి నమ్మకానికి గండికొట్టినట్లైందన్నారు. కేంద్రంలోని బీజేపీ తీసుకున్నటు వంటి నిర్ణయం వల్ల జమ్ము కశ్మీర్ లో సంక్షోభం తెచ్చేలా ఉందని గులాం నబీ ఆజాద్ స్పష్టం చేశారు. 

ఈ వార్తలు కూడా చదవండి