వీజీ సిద్దార్ధ మృతి:కేఫ్ కాఫీ డే బోర్డు మీటింగ్

కేఫ్ కాఫీ డే వ్యవస్థాపకులు సిద్దార్ధ అంత్యక్రియలను బెలూరులోనిఎస్టేట్ లో నిర్వహించాలని కుటుంబసభ్యులు నిర్ణయం తీసుకొన్నారు.

బెంగుళూరు:కేఫ్ కాఫీ డే వ్యవస్థాపకులు వీజీ సిద్దార్ధ మృతదేహం బుధవారంనాడు నేత్రావతి నదిలో లభ్యం కావడంతో  ఇవాళ ఉదయం 11 గంటలకు కేఫ్ కాఫీ డే బోర్డు మీటింగ్ 11 గంటలకు నిర్వహించనున్నారు.

కేఫ్ కాఫీ డే వ్యవస్థాపకులు వీజీ సిద్దార్ధ ఆత్మహత్య చేసుకొన్నాడు. ఆర్ధిక ఇబ్బందుల కారణంగా వీజీ సిద్దార్ధ ఆత్మహత్య చేసుకొన్నాడు.  ఈ పరిణామాల నేపథ్యంలో  సీసీడీ బోర్డు మీటింగ్  బుధవారం నాడు ఉదయం 11 గంటలకు చిక్‌మంగళూరులో  సమావేశం కానుంది. వీజీ సిద్దార్ధ మృతిపై బోర్డు సమావేశమై సంతాపం తెలపనుంది.

సిద్దార్ధకు భార్య మాళవిక, ఇద్దరు పిల్లలున్నారు. సిద్దార్ధ కొడుకు ఒకరు సీసీడీ బోర్డు సభ్యుడిగా కూడ ఉన్నారు. ఈ సమావేశానికి  వీజీ సిద్దార్ద కుటుంబసభ్యులు వస్తారా అనే విషయంలో స్పష్టత రాలేదు.పోస్టుమార్టం తర్వాత వీజీ సిద్దార్ధ మృతదేహన్ని చిక్‌మంగుళూరుకు తరలించే అవకాశం ఉందని  రిపోర్టులు చెబుతున్నాయి. 

వీజీ సిద్దార్ద అంత్యక్రియలు ఎక్కడ నిర్వహించాలనే విషయమై  కుటుంబసభ్యులు నిర్ణయం తీసుకొన్నారు. కుటుంబసభ్యుల  నిర్ణయం మేరకు  వీజీ సిద్దార్ధ అంత్యక్రియలను నిర్వహించనున్నట్టుగా  ఎమ్మెల్యే రాజేంద్రగౌడ తెలిపారు.బెలూరు తాలూకాలోని తన తండ్రి ఏస్టేట్ లో వీజి సిద్దార్ధ అంత్యక్రియలను నిర్వహించనున్నట్టుగా రాజేంద్రగౌడ తెలిపారు.

సంబంధిత వార్తలు