అబ్బే జలపాతం: కూర్గ్ సందర్శనకు ఉత్తమమైన ప్రదేశాలలో అబ్బే జలపాతం (Abbey Falls) ఒకటి. ఈ జలపాతాలు కాఫీ తోటల (Coffee plantations) మధ్య ఉన్నాయి. ఈ అందమైన జలపాతాలను సందర్శించడానికి వేల సంఖ్యలో పర్యాటక ప్రియులు వస్తుంటారు. కూర్గ్లో అబ్బే లేదా అబ్బి అంటే జలపాతం అని అర్ధం. ఈ జలపాతం ప్రాంతానికి దగ్గరలో ఉండడంతో పర్యాటకులు సందర్శించడానికి ఎక్కువ సంఖ్యలో వస్తుంటారు.
నాగర్హొళె జాతీయ ఉద్యానవనం: ఈ ఉద్యానవనం అనేక జాతి రకాలకు చెందిన వృక్షాలను (Trees), జంతుజాలాన్ని కలిగి ఉంటుంది. ఆ కారణంగా నాగర్హొళె జాతీయ ఉద్యానవనం (Nagarhole National Park) దేశంలోని అత్యుత్తమ వైల్డ్ లైఫ్ రిజర్వులలో ఒకటిగా ప్రసిద్ధి. ఈ ప్రాంతాన్ని సందర్శించిన మనకు అనేక జాతుల వృక్షాలతో పాటు 270 జాతుల పక్షులు (Birds) దర్శనమిస్తాయి. కూర్గ్ వెళ్ళినప్పుడు తప్పక సందర్శించవలసిన ప్రాంతాలలో ఇది ఒకటి.
నామ్డ్రోలింగ్ ఆరామం: నామ్డ్రోలింగ్ ఆరామం (Namdrolling Monastery) గోల్డెన్ టెంపుల్ (Golden Temple) గా ప్రసిద్ధి గాంచింది. ఈ ప్రసిద్ధి గాంచిన మఠం గోడలు బంగారు వర్ణంతో నిండిన చిత్రాలతో అలంకరించబడి సందర్శించడానికి ఉత్తమమైన ప్రదేశంగా ఉంది. ఈ ప్రదేశం పర్యాటకులను ఆకట్టుకునేలా ఉంటుంది.
ఓంకారేశ్వర ఆలయం: ఈ ఆలయాన్ని 1820లో లింగ రాజేంద్ర (Linga Rajendra) నిర్మించారు. ఈ ఆలయం గురించి అనేక కథనాలు ఉన్నాయి. ఈ ఆలయాన్ని శివ భగవానుడికి అంకితం చేస్తూ లింగ రాజేంద్ర నిర్మించారని కథనం. ఈ ఆలయంలో ఒక చిన్న నీటి కొలను (Water pool) ఉంది. ఇందులోని చేపలు ఈ ఆలయానికి ప్రధాన ఆకర్షణగా ఉన్నాయి.
మడికెరి కోట: బురద ఉపయోగించి ముద్దు రాజుచే నిర్మించబడిన ఈ కోట 17 వ శతాబ్దానికి చెందినది. 1812 - 1814 ల మధ్య కాలంలో ఇటుక, మోర్టార్లలో దీన్ని తిరిగి నిర్మించారని చెబుతారు. ఈ కోట ప్రవేశద్వారం (Entrance) చుట్టుపక్కల ఉన్న ఏనుగులు (Elephants) ప్రధాన ఆకర్షణగా ఉన్నాయి.
సోమవారపేట్: సోమవారపేట్ (Somavarapet) తాలూకాలోని ప్రధాన పట్టణం సోమవారపేట్. ఇక్కడి ప్రధాన పంటలు కాఫీ, అల్లం, యాలకులు, మిరియాలు తోటలు (Gardens) ఉన్నాయి. ఈ తోటల అందాలు పర్యాటక ప్రియులకు ప్రశాంతతను కలిగిస్తాయి. ఇది తప్పక సందర్శించవలసిన ప్రాంతం.