'మీటూ' ఎఫెక్ట్: సెలబ్రిటీ మ్యానేజర్ సూసైడ్ అటెంప్ట్!

టాప్ సెలబ్రిటీలకి మ్యానేజర్ గా వ్యవహరించే అనిర్బన్ దాస్ పై 'మీటూ' ఆరోపణలు వచ్చిన సంగతి తెలిసిందే. పలువురు తారాలు అతడిపై లైంగిక ఆరోపణలు చేశారు. దీంతో అతడు ముంబైలో వషి బ్రిడ్జ్ లో దూకి మరణించాలని భావించాడు.

ఈ మేరకు బ్రిడ్జ్ దగ్గరకి చేరుకొని అక్కడ నుండి దూకే సమయంలో పోలీసులు అతడిని కాపాడినట్లు తెలుస్తోంది. గత రాత్రి 12:30 ప్రాంతంలో వషి ట్రాఫిక్ పోలీస్ కి బ్రిడ్జ్ దగ్గర ఒక వ్యక్తి సూసైడ్ చేసుకోబోతున్నట్లు సమాచారం రావడంతో వెంటనే స్పాట్ కి చేరుకున్న పోలీస్ అనిర్బన్ బ్రిడ్జ్ పైకి ఎక్కడం గమనించాడు.

వెంటనే అతడిని పట్టుకొని కిందకి దించారు. ఆ సమయంలో అనిర్బన్ చాలా వీక్ గా ఉన్నారని, మెంటల్ గా చాలా డిస్టర్బ్ అయ్యారని మీడియాకి తెలిపారు ట్రాఫిక్ పోలీస్. అనంతం స్టేషన్ కి తీసుకెళ్లి అనిర్బన్ భార్యకి సమాచారం అందించారు.

విచారణ సమయంలో అతడిపై వచ్చిన లైంగిక ఆరోపణల కారణంగా డిప్రెషన్ కి గురైనట్లు, తన ఫ్యామిలీ కూడా ఇబ్బందిపడుతున్నట్లు వెల్లడించారు. టాలీవుడ్ లో మహేష్ బాబు, రామ్ చరణ్, అల్లు అర్జున్, కాజల్ అగర్వాల్ వంటి సెలబ్రిటీలకు అనిర్బన్ మ్యానేజర్ గా వ్యవహరించారు. 

ఇవి కూడా చదవండి..