కోడెల మృతి: ఆయన కుమారుడిపై మేనల్లుడి సంచలన ఆరోపణలు

ఏపీ మాజీ అసెంబ్లీ స్పీకర్ కోడెల శివప్రసాదరావు మృతిపై ఆయన బంధువు సాయి సంచలన ఆరోపణలు చేశారు. 

హైదరాబాద్: ఏపీ అసెంబ్లీ మాజీ స్పీకర్ కోడెల శివప్రసాదరావు మృతిపై ఆయన మేనల్లుడు సాయి సంచలన ఆరోపణలు చేశాడు. కోడెల శివప్రసాదరావును  ఆయన  కొడుకు శివరామ్ చంపాడని ఆయన ఆరోపించారు.

సోమవారం నాడు ఆయన మీడియాతో  మాట్లాడారు. శివరాం తను వేధింపులకు గురి చేస్తున్నట్టుగా కోడెల శివప్రసాదరావు మేనల్లుడు సాయి ఆరోపించారు.ఇటీవల కాలంలో వరుసగా నమోదైన కేసుల సమయంలో  కోడెలను తాను  కలిసినట్టుగా ఆయన చెప్పారు. కోడెల కూతురు ఇంట్లోనే తాను కోడెల శివప్రసాదరావును కలిసి మాట్లాడినట్టుగా ఆయన చెప్పారు.

ఈ సమయంలోనే  శివరాం వేధింపుల గురించి తనకు చెప్పాడన్నారు. తాను కోడెల శివప్రసాదరావుతో మాట్లాడిన సమయంలో ఇతర వ్యక్తులు కూడ ఉన్నారని ఆయన గుర్తు చేసుకొన్నారు. అవసరమైతే తన ఫోన్ కాల్ డేటా ను కూడ  పరిశీలించుకోవచ్చని  కూడ ఆయన కోరారు. ఈ మేరకు కోడెల శివప్రసాదరావు మేనల్లుడు సాయి నర్సరావుపేట డీఎస్పీకి ఫిర్యాదు చేశారు. 

సంబంధిత వార్తలు