కోడెలను సీఎం జగన్ హత్య చేశారు.. కేశినేని ట్వీట్

By telugu team | First Published Sep 16, 2019, 4:04 PM IST

కోడెల ఆత్మకు శాంతి చేకూరాలని భగవంతుడిని మనస్పూర్తిగా కోరుకుంటున్నట్లు కేశినేని మరో ట్వీట్ లో పేర్కొన్నారు. ఇదిలా ఉంటే... సోమవారం ఉదయం కోడెల తన నివాసంలో ఉరివేసుకొని ఆత్మహత్య చేసుకున్న సంగతి తెలిసిందే.

టీడీపీ సీనియర్ నేత, ఆంధ్రప్రదేశ్ అసెంబ్లీ మాజీ స్పీకర్ కోడెల శివప్రసాదరావు మృతిపై విజయవాడ ఎంపీ కేశినేని నాని సంచలన వ్యాఖ్యలు చేశారు. కోడెలది ఆత్మహత్య కాదని... దారుణ హత్య అని కేశినేని పేర్కొన్నారు. కోడెలను ముఖ్యమంత్రి జగన్మోహన్ రెడ్డి దారుణంగా హత్య చేశారని ఆరోపించారు. ఈ మేరకు కేశినేని ట్విట్టర్ వేదికగా సంచలన కామెంట్స్ చేశారు.

అంతేకాకుండా కోడెల ఆత్మకు శాంతి చేకూరాలని భగవంతుడిని మనస్పూర్తిగా కోరుకుంటున్నట్లు కేశినేని మరో ట్వీట్ లో పేర్కొన్నారు. ఇదిలా ఉంటే... సోమవారం ఉదయం కోడెల తన నివాసంలో ఉరివేసుకొని ఆత్మహత్య చేసుకున్న సంగతి తెలిసిందే. కాగా... గత కొంతకాలంగా..అధికార వైసీపీ నేతలు కోడెల కుటుంబంపై పలు రకాల ఆరోపణలు చేసిన సంగతి తెలిసిందే. వాటిని తట్టుకోలేక కోడెల మృతిచెందారని టీడీపీ నేతలు ఆరోపిస్తున్నారు. ఈ నేపథ్యంలో జగన్ హత్య చేశారంటూ కేశినేని ట్వీట్ చేశారు.