తిరుపతికి పాకిన కోడెల ట్యాక్స్ : ల్యాబ్ టెస్టుల పేరుతో రూ.40 లక్షల దోపిడి

టీడీపీ సీనియర్ నేత, ఏపీ అసెంబ్లీ మాజీ స్పీకర్ కోడెల శివప్రసాద్‌రావు, ఆయన కుమారుడు, కుమార్తెపై ‘‘ కే‘ ట్యాక్స్ పేరుతో బలవంతపు వసూళ్లు, బెదిరింపుల కేసులు నమోదైన సంగతి తెలిసిందే.

సత్తెనపల్లి, నరసరావుపేటకే పరిమితమైన ఈ కే ట్యాక్స్ తాజాగా తిరుపతికి పాకింది. రుయా ఆసుపత్రి కేంద్రంగా ల్యాబ్ నిర్వహణ దందా వెలుగుచూసింది. అధికారుల అండతో తిరుపతిలోని లక్ష్మీ వెంకటేశ్వర క్లినికల్ ల్యాబ్ కోడెల కుమారుడు శివరామ్ బినామీకి ల్యాబ్ నిర్వహణను అప్పగించినట్లుగా తెలుస్తోంది.

అతను వైద్య పరీక్షల పేరిట ప్రతీ నెల సుమారు రూ. 40 లక్షలు దోపిడి చేసినట్లు వార్తలు వస్తున్నాయి. ప్రభుత్వాసుపత్రుల్లో వివిధ రకాల టెస్టుల కోసం వసూలు చేసే ఫీజులకు నాలుగు రెట్లు అదనంగా ఇక్కడ వసూలు చేసినట్లు స్థానికులు చెబుతున్నారు.