మరికొన్నిక్షణాల్లోనే వివాహం జరగాల్సి ఉండగా వరుడికి గిఫ్ట్ వచ్చింది. గిఫ్ట్ ఫ్యాక్‌లో ఉన్న సెల్‌ఫోన్‌లో వధువు నగ్న వీడియోలు ఉన్నాయి.ఈ వీడియోలను చూసిన వరుడు పెళ్లి రద్దు చేసుకొన్నాడు. వధువు తల్లిదండ్రులు పోలీసులకు ఫిర్యాదు చేశారు.
అమలాపురం: తూర్పుగోదావరి జిల్లాలో మరికాసేపట్లో వివాహం జరగాల్సి ఉండగా... వరుడి ఇంటికి వచ్చిన గిఫ్ట్ పెళ్లి రద్దుకు కారణమైంది. వరుడికి గిఫ్ట్‌గా పంపిన సెల్‌ఫోన్‌లో వధువు నగ్నవీడియోలు ఉన్నాయి.దీంతో తాను ఈ వివాహం చేసుకోనని వరుడు తేల్చి చెప్పేశాడు. దీంతో ఈ పెళ్లి రద్దైంది. వధువు కుటుంబసభ్యులు పోలీసులకు ఫిర్యాదు చేశారు.
తూర్పుగోదావరి జిల్లా అమలాపురం రూరల్ మండలం వన్నె చింతలపూడికి చెందిన యువతిని ముమ్మిడివరం మండలం కొత్తలంకకు చెందిన యువకుడికి ఇచ్చి ఈ నెల 7వ తేదీన వివాహం చేయాలని రెండు కుటుంబాలు నిర్ణయం తీసుకొన్నాయి.
అయితే కొద్ది క్షణాల్లో వివాహం జరగాల్సి ఉండగా వరుడికి ఓ గిఫ్ట్ వచ్చింది.ఈ గిఫ్ట్ ప్యాకెట్‌లో సెల్‌ఫోన్ ఉంది.ఈ సెల్‌ఫోన్‌ను ఆన్ చేసి చూస్తే వధువు స్నానం చేసి బట్టలు మార్చుకొంటుండగా తీసిన దృశ్యాలు ఉన్నాయి. ఈ దృశ్యాలను చూసిన వరుడు షాక్‌కు గురయ్యాడు.
వెంటనే కుటుంబసభ్యులకు చెప్పి తాను పెళ్లిని రద్దు చేయాలని కోరారు. ఈ విషయమై వధువు కుటుంబసభ్యులు నచ్చజెప్పేందుకు ప్రయత్నం చేసినా అతను ఒప్పుకోలేదు.
పెళ్లి రద్దు కావడంతో బాధిత కుటుుంబసభ్యులు పోలీసులకు ఫిర్యాదు చేశారు. తమకు దగ్గరి బంధువైన ఓ వ్యక్తి ఈ వీడియోలు తీసి ఉంటాడని బాధిత కుటుంబం ఆరోపిస్తోంది. అయితే నిందితుడిని కాపాడేందుకు అధికార పార్టీకి చెందిన నేతలు ప్రయత్నాలు చేస్తున్నారని బాధిత కుటుంబసభ్యులు ఆరోపణలు చేస్తున్నారు.