గతంలో ఫెయిల్ అయిన మ్యాక్స్ ఇన్ ఫ్రాకు టెండరా...: దేవినేని ఉమా

పోలవరం రివర్స్‌ టెండరింగ్‌లో ఏదో సాధించేశామని మంత్రి అనిల్ కుమార్ యాదవ్ నీతులు చెప్తున్నారని అదంతా వట్టి భ్రమేనని చెప్పుకొచ్చారు. 20శాతం తక్కువ కోట్‌ చేశామని చెప్తున్నారే గానీ దాని వల్ల ఎంత నష్టం జరిగిందో అందరికీ తెలుసునన్నారు. 

విజయవాడ: తెలుగు ప్రజల జీవనాడి పోలవరం ప్రాజెక్టు పనులు రివర్స్ టెండరింగ్ ద్వారా మ్యాక్స్‌ ఇన్‌ఫ్రాకు కట్టబెట్టడం అవివేకమన్నారు మాజీ ఇరిగేషన్ శాఖ మంత్రి దేవినేని ఉమా మహేశ్వరరావు. గతంలో అవుకు టన్నెల్‌ పనులను మ్యాక్స్‌ ఇన్‌ఫ్రా పూర్తి చేయలేకపోయిందన్నారు. 

పోలవరం రివర్స్‌ టెండరింగ్‌లో ఏదో సాధించేశామని మంత్రి అనిల్ కుమార్ యాదవ్ నీతులు చెప్తున్నారని అదంతా వట్టి భ్రమేనని చెప్పుకొచ్చారు. 20శాతం తక్కువ కోట్‌ చేశామని చెప్తున్నారే గానీ దాని వల్ల ఎంత నష్టం జరిగిందో అందరికీ తెలుసునన్నారు. 

రివర్స్‌ టెండరింగ్‌లో పాల్గొన్న మిగతా కంపెనీలను ఎందుకు పరిగణనలోకి తీసుకోలేదో చెప్పాలని నిలదీశారు. ముందస్తు ఒప్పందం మేరకే మ్యాక్స్‌ ఇన్‌ఫ్రాకు ఇచ్చారని, కేంద్రం, పోలవరం అథారిటీ చెప్పినట్టు సీఎం జగన్‌ వినడంలేదన్నారు. 

జగన్‌ బంధువు నివేదిక ఆధారంగా వైసీపీ ప్రభుత్వం ముందుకెళ్తోందని దేవినేని ఉమా మహేశ్వరరావు ధ్వజమెత్తారు. పోలవరం డ్యామ్‌ భద్రతను పట్టించుకోవడంలేదని తిట్టిపోశారు.  టీడీపీ హయాంలో పోలవరాన్ని 70శాతం పూర్తిచేసినట్లు మాజీమంత్రి దేవినేని ఉమా మహేశ్వరరావు స్పష్టం చేశారు. 

ఈ వార్తలు కూడా చదవండి