పార్టీ మారి బూరెల బుట్టలో పడ్డ అవంతి శ్రీనివాస్

చివరి నిమిషంలో వైసీపీలో చేరినా  అవంతి శ్రీనివాస్‌కు వైఎస్ జగన్ కేబినెట్‌లో మంత్రి పదవిని దక్కింది. టీడీపీలో ఉంటే ఎమ్మెల్యేగా పోటీ చేసే అవకాశం దక్కదని భావించి ఏకంగా పార్టీ మారి మంత్రి పదవిని స్వీకరించబోతున్నారు.

అమరావతి: చివరి నిమిషంలో వైసీపీలో చేరినా  అవంతి శ్రీనివాస్‌కు వైఎస్ జగన్ కేబినెట్‌లో మంత్రి పదవిని దక్కింది. టీడీపీలో ఉంటే ఎమ్మెల్యేగా పోటీ చేసే అవకాశం దక్కదని భావించి ఏకంగా పార్టీ మారి మంత్రి పదవిని స్వీకరించబోతున్నారు.

2014 ఎన్నికలకు ముందు కాంగ్రెస్ పార్టీ నుండి  అవంతి శ్రీనివాస్ టీడీపీలో చేరారు. అనకాపల్లి ఎంపీ స్థానం నుండి అవంతి శ్రీనివాస్  టీడీపీ అభ్యర్ధిగా పోటీ చేసి విజయం సాధించారు. అయితే  2019 ఎన్నికల్లో అవంతి శ్రీనివాస్ భీమిలి నుండి ఎమ్మెల్యేగా పోటీ చేయాలని భావించారు. కానీ, టీడీపీలో ఉంటే ఈ అవకాశం దక్కదని భావించారు.

టీడీపీ ఎంపీగా ఉంటూనే ఎన్నికలకు ముందుగానే అవంతి శ్రీనివాస్ వైసీపీలో చేరారు. వైసీపీ అభ్యర్ధిగా అవంతి శ్రీనివాస్ భీమిలి నుండి పోటీ చేశారు. అవంతి శ్రీనివాస్ పై మాజీ మంత్రి సబ్బం హరి పోటీ చేసి ఓటమి పాలయ్యాడు.

కాపు సామాజిక వర్గం నుండి  టీడీపీ నుండి చివరి నిమిషంలో  వైసీపీలో చేరినప్పటికీ అవంతి శ్రీనివాస్ కు జగన్ తన మంత్రివర్గంలో చోటు కల్పించారు. 
చంద్రబాబు కేబినెట్‌లో ఇదే అసెంబ్లీ నియోజకవర్గం నుండి విజయం సాధించిన గంటా శ్రీనివాసరావు  మంత్రిగా కొనసాగారు. ఈ దఫా గంటా శ్రీనివాసరావు విశాఖ ఉత్తర నియోజకవర్గం నుండి టీడీపీ అభ్యర్ధిగా పోటీ చేసి విజయం సాధించారు.

సంబంధిత వార్తలు