Andhra Pradesh

జగన్ పై దాడి కేసు.. నేడు హైకోర్టులో విచారణ

By ramya neerukondaFirst Published Nov 13, 2018, 9:43 AM IST

Highlights

ఏపీ ప్రతిపక్ష నేత, వైసీపీ అధినేత జగన్ పై దాడి కేసులో మంగళవారం హైకోర్టులో విచారణ జరగనుంది.

ఏపీ ప్రతిపక్ష నేత, వైసీపీ అధినేత జగన్ పై దాడి కేసులో మంగళవారం హైకోర్టులో విచారణ జరగనుంది. విశాఖపట్టణం ఎయిర్‌పోర్టులో వైఎస్ జగన్‌పై కోడి కత్తితో శ్రీనివాసరావు అనే యువకుడు దాడికి పాల్పడ్డ విషయం తెలిసిందే. ఈ విషయం రాష్ట్ర వ్యాప్తంగా కలకలం రేపింది.

అయితే.. తనపై హత్యాయత్నం జరిగిందంటూ జగన్ హైకోర్టులో పిటిషన్ దాఖలు చేశారు. జగన్ వేసిన పిటిషన్ పై గత శుక్రవారం విచారణ చేపట్టిన హైకోర్టు ఇరువాదనలు విని తదుపరి విచారణను మంగళవారానికి వాయిదా వేసింది. అయితే ఈ కేసులో సిట్ అధికారుల పురోగతి నివేదికను సీల్డ్ కవర్ లో మంగళవారం కోర్టుకు సమర్పించాలని అటార్నీ జనరల్ కు న్యాయస్థానం ఆదేశాలు జారీ చేసింది.

కాగా... 18 రోజులుగా దర్యాప్తు నిర్వహించిన సిట్ 40 పేజీల నివేదికను తయారు చేసింది. జగన్ పై దాడి జరిగిన అనంతరం ఇప్పటి వరకు 75 మందికి పైగా వ్యక్తులను విచారించింది.

విచారణ అనంతరం 40 పేజీల నివేదికను సీల్డ్ కవర్ లో పొందుపరచారు. ఆ నివేదికన సిట్ ఇంచార్జ్ నాగేశ్వరరావు హైదరాబాద్ చేరుకున్నారు. హైదరాబాద్ లోని అడ్వకేట్ జనరల్ ను కలిసి నివేదిక సమర్పించారు. విచారణకు సంబంధించి చర్చించారు. మంగళవారం జగన్ పై దాడి కేసు విచారణ రానున్న నేపథ్యంలో సిట్ నివేదికను అడ్వకేట్ జనరల్ హైకోర్టుకు సమర్పించనున్నారు. దాడి కేసు దర్యాప్తు వివరాల సీల్డ్‌ కవర్‌ను అడ్వొకేట్‌ జనరల్‌ నేడు హైకోర్టుకు సమర్పించనున్నారు.

జగన్ పై దాడి కేసు.. నేడు హైకోర్టులో విచారణ

Related Posts