ఇండియా-పాక్ మ్యాచ్ లో రాజా సింగ్ ప్లకార్డులు... సోషల్ మీడియాలో వీడియో వైరల్
మెల్ బోర్న్ : ఆస్ట్రేలియాలో జరుగుతున్న టీ20 ప్రపంచకప్ లో దాయాది పాకిస్థాన్ టీంను భారత జట్టు మట్టికరిపించిన విషయం తెలిసిందే.
Followమెల్ బోర్న్ : ఆస్ట్రేలియాలో జరుగుతున్న టీ20 ప్రపంచకప్ లో దాయాది పాకిస్థాన్ టీంను భారత జట్టు మట్టికరిపించిన విషయం తెలిసిందే. మెల్ బోర్న్ స్టేడియంలో అశేష అభిమానుల మధ్యలో టీమిండియా అద్భుత ప్రదర్శన, విరాట్ కోహ్లీ విన్నింగ్ ఇన్నింగ్స్ గట్టెక్కించాయి. ఈ విజయంతో భారత్ లో దీపావళి సంబరాలు మరింత ఘనంగా జరిగాయి. అయితే కోట్లాదిమంది వీక్షించిన ఈ మ్యాచ్ లో ప్రస్తుతం జైల్లో వున్న తెలంగాణ బిజెపి ఎమ్మెల్యే రాజాసింగ్ ప్లకార్డును ఓ అభిమాని ప్రదర్శించడం వైరల్ గా మారింది. రాజాసింగ్ కు మద్దతుగా కోహ్లీ బ్యాటింగ్ సమయంలో అభిమాని ప్లకార్డు ప్రదర్శిస్తూ వీడియో తీసుకున్నాడు. ఈ వీడియో సోషల్ మీడియాలో చక్కర్లు కొడుతోంది.
