సికింద్రాబాద్ నడిబొడ్డున భారీ కొండచిలువ... రైల్ నిలయం వద్ద భయం భయం

హైదరాబాద్ :  సికింద్రాబాద్ నడిబొడ్డున... నిత్యం రద్దీగా వుండే రైల్వేస్టేషన్ కు కూతవేటు దూరంలో భారీ కొండచిలువ కలకలం రేపింది. సికింద్రాబాద్ రైల్ నిలయం వద్ద కొండచిలువను చూసి భయపడిపోయిన స్థానికులు స్నేక్ క్యాచర్స్ కు సమాచారమిచ్చారు. వెంటనే అక్కడికి చేరుకున్న స్నేక్ క్యాచర్స్ భారీ సైజు, కొన్ని అడుగుల పొడవున్న కొండచిలువను చాకచక్యంగా పట్టుకున్నారు. దీంతో స్థానికులు, రైల్వే ఉద్యోగులు, ప్రయాణికుల ఆందోళన, భయం దూరమయ్యింది.