సంక్రాంతి పండగ ఎఫెక్ట్... ఉండవల్లిలో పందెంకోళ్ళ దొంగతనం

తాడేపల్లి : సక్రాంతి పండగ వచ్చిందంటే చాలు పందెంకోళ్లకు ఫుల్ గిరాకీ వుంటుంది. సంక్రాంతి బరిలో దింపేందుకు వేలకు వేలు పోసి కోళ్లను కొంటుంటారు పందెంరాయుళ్లు. అయితే లక్షల విలువ చేసే పందెంకోళ్లు దొంగతనానికి గురయిన ఘటన గుంటూరు జిల్లాలో చోటుచేసుకుంది. ఉండవల్లి గ్రామానికి చెందిన గుర్రాల శ్రీనివాసరావు అనే వ్యక్తి కోళ్ల ఫాం నుంచి గత అర్థరాత్రి ఒక్కోటి దాదాపు రూ.30-40 వేల విలువచేసే 10 పందెంకోళ్లను దొంగలించారు దుండగులు. దీంతో బాధితుడు పోలీసులకు ఫిర్యాదు చేసాడు.