119 టిక్కెట్ల కోసం 1,000 మంది అభ్యర్థులు.. కాంగ్రెస్ నుంచి పోటీకి దరఖాస్తు చేసుకున్న కీల‌క నేతలు
Hyderabad: తెలంగాణ అసెంబ్లీ ఎన్నిక‌ల బ‌రిలో నిలిచేందుకు కాంగ్రెస్ నుంచి చాలా మంది నాయకులు ముందుకు వ‌చ్చారు. కేవ‌లం 119 సీట్ల కోసం వేయి మందికి పైగా ఎన్నిక‌ల పోటీ సీటు కోసం దరఖాస్తు చేసుకున్నారు. దీంతో అభ్యర్థులను ఖరారు చేయడం కాంగ్రెస్ నాయకత్వం ముందు పెద్ద టాస్క్ గా మారింది. ఓసీ, బీసీ అభ్యర్థులకు రూ.50 వేలు, ఎస్సీ, ఎస్టీ అభ్యర్థులకు రూ.25 వేలు నాన్ రిఫండబుల్ ఫీజుగా నిర్ణయించినప్పటికీ ఇంత భారీ స్పందన వస్తుందని పార్టీ నాయకత్వం ఊహించలేదు.
 )
FollowTelangana Assembly Elections 2023: తెలంగాణ అసెంబ్లీ ఎన్నిక‌ల బ‌రిలో నిలిచేందుకు కాంగ్రెస్ నుంచి చాలా మంది నాయకులు ముందుకు వ‌చ్చారు. కేవ‌లం 119 సీట్ల కోసం వేయి మందికి పైగా ఎన్నిక‌ల పోటీ సీటు కోసం దరఖాస్తు చేసుకున్నారు. దీంతో అభ్యర్థులను ఖరారు చేయడం కాంగ్రెస్ నాయకత్వం ముందు పెద్ద టాస్క్. ఓసీ, బీసీ అభ్యర్థులకు రూ.50 వేలు, ఎస్సీ, ఎస్టీ అభ్యర్థులకు రూ.25 వేలు నాన్ రిఫండబుల్ ఫీజుగా నిర్ణయించినప్పటికీ ఇంత భారీ స్పందన వస్తుందని పార్టీ నాయకత్వం ఊహించలేదు.
వివ‌రాల్లోకెళ్తే.. బీఆర్‌ఎస్‌ అధినేత, ముఖ్యమంత్రి కే చంద్రశేఖర్‌రావు (కేసీఆర్) సమీప బంధువు రమ్యరావు, సీనియర్ నేత జానా రెడ్డి కుమారులు, సినీ నిర్మాత అప్పిరెడ్డి, మాజీ ఎంపీ మధు యాష్కీ గౌడ్‌, సీనియర్ నేత దామోదర రాజనరసింహ కుమార్తె సహా దాదాపు 1000 మంది అభ్యర్థులు కాంగ్రెస్ అభ్యర్థిగా దరఖాస్తు చేసుకున్నారు. రాబోయే రాష్ట్ర అసెంబ్లీ ఎన్నికల్లో 119 స్థానాలకు పార్టీ టిక్కెట్లు ఇవ్వ‌నుండ‌గా, పోటీ చేయాల‌నుకునే వారు దరఖాస్తులు చేసుకోవాలని సూచించింది. దరఖాస్తుల దాఖలుకు చివరి రోజైన శుక్రవారం రాష్ట్ర కాంగ్రెస్ ప్రధాన కార్యాలయం గాంధీభవన్‌ తమ ఫారమ్‌లను సమర్పించేందుకు నేతలతో కిక్కిరిసిపోయింది. సీనియర్ నాయకులు, వారి సన్నిహితులు దరఖాస్తులు ఇచ్చేందుకు కార్యాలయానికి చేరుకున్నారు.
రమ్యరావు, ఆమె కుమారుడు రితీష్‌రావు కరీంనగర్‌ అసెంబ్లీ నియోజకవర్గం నుంచి టిక్కెట్‌ ఇవ్వాలని డిమాండ్‌ చేస్తున్నారు. కేసీఆర్‌కు కంచుకోట అయిన కరీంనగర్‌లో రమ్యను పోటీకి దింపేందుకు పార్టీ హైకమాండ్ సిద్ధమైందని నేతలు చెబుతున్నారు. జిల్లాలో మారుతున్న రాజకీయ సమీకరణాల దృష్ట్యా తన కుమారుడికి టిక్కెట్టు దక్కుతుందని ఆమె ఆశిస్తున్నారు. ఇక జానా రెడ్డి కుమారులు రఘువీరారెడ్డి, జైవీర్‌రెడ్డి కూడా దరఖాస్తు చేసుకున్నారు. జానా రెడ్డి కుమారుల్లో ఒకరు నాగార్జునసాగర్ నుంచి పోటీ చేయనున్నారు. మరో కుమారుడికి మిర్యాలగూడ నుంచి టికెట్ కోరుతున్నారు. సీనియర్ నేత తన కుమారుల్లో ఒకరికి టికెట్ కోసం గట్టిగా లాబీయింగ్ చేస్తున్నార‌ని స‌మాచారం.
ఆసక్తికరమైన విషయమేమిటంటే, కోదాడ, హుజూర్‌నగర్‌ల నుంచి పోటీ చేసేందుకు తెలుగు సినీ నిర్మాత అప్పిరెడ్డి టిక్కెట్‌ కోసం ప్రయత్నిస్తున్నారు. ఆ స్థానాల నుంచి సీనియర్ నేత ఎన్‌.ఉత్తమ్‌కుమార్‌రెడ్డి, ఆయన భార్య ఎన్‌.పదమావతి పోటీ చేసేందుకు సిద్ధంగా ఉన్నారు. తన భార్యకు టికెట్ నిరాకరించిన పక్షంలో అప్పిరెడ్డిని దరఖాస్తు చేసుకోవాలని ఉత్తమ్ ప్రోత్సహించారని పార్టీకి చెందిన ప‌లువురు నేతలు తెలిపారు. ఈసారి ఒకే కుటుంబంలోని ఇద్దరికి టిక్కెట్లు కేటాయించే ఆలోచనలో పార్టీ హైకమాండ్ లేదని అంటున్నారు. రాజనరసింహ కుమార్తె త్రిష ఆందోల్ నుంచి పోటీ చేసేందుకు పోటీ పడుతున్నారు. ఆమె క్రియాశీల రాజకీయాల్లోకి ప్రవేశించడానికి ఆసక్తిగా ఉంది. ఆయన తుది నిర్ణయం తీసుకుంటారని నేతలు తెలిపారు.
తెలంగాణ పీసీసీ ప్రచార కమిటీ చైర్మన్‌ మధు యాష్కీ ఎల్‌బీ నగర్‌ నుంచి టిక్కెట్‌ ఇవ్వాలని డిమాండ్‌ చేస్తూ మరో సీనియర్ నేత మల్‌రెడ్డి రంగారెడ్డి ఇటీవలే ప్రచారం ప్రారంభించారు. సీనియర్ నేత, ములుగు ఎమ్మెల్యే సీతక్క కుమారుడు సూర్యం పినపాక నుంచి టికెట్ ఆశిస్తున్నారు. ఒక్కో సెగ్మెంట్‌కు 10 మందికి తగ్గకుండా టికెట్ ఆశించేవారు ఉండ‌టంతో, అభ్యర్థులను ఖరారు చేయడం నాయకత్వం ముందున్న పెద్ద స‌వాలుతో కర్తవ్యమని నేతలు తెలిపారు. ఓసీ, బీసీ అభ్యర్థులకు రూ. 50,000 నాన్ రిఫండబుల్ ఫీజును, ఎస్సీ, ఎస్టీ అభ్యర్థులకు రూ. 25,000గా నిర్ణయించినప్పటికీ ఇంత భారీ స్పందన వస్తుందని పార్టీ అధినాయకత్వం ఊహించలేదన్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
