బీజేపీ, బీఆర్ఎస్ ఒక్కటేనని కేసీఆర్ తప్పుడు ప్రచారాలు.. : ఎంపీ ధర్మపురి అరవింద్
Hyderabad: బీజేపీ, బీఆర్ఎస్ ఒక్కటేనని తెలంగాణ ముఖ్యమంత్రి కే.చంద్ర‌శేఖ‌ర్ రావు (కేసీఆర్) తప్పుడు ప్రచారాలు చేస్తున్నారని బీజేపీ ఎంపీ ధర్మపురి అరవింద్ ఆరోపించారు. కేసీఆర్ కొంత డబ్బు ఖర్చు చేసి కొన్ని ఛానెళ్లను మేనేజ్ చేస్తూ తప్పుడు ప్రచారం చేస్తున్నారని విమ‌ర్శించారు.
 )
FollowMP Arvind Dharmapuri criticizes KCR: బీజేపీ, బీఆర్ఎస్ ఒక్కటేనని తెలంగాణ ముఖ్యమంత్రి కే.చంద్ర‌శేఖ‌ర్ రావు (కేసీఆర్) తప్పుడు ప్రచారాలు చేస్తున్నారని బీజేపీ ఎంపీ ధర్మపురి అరవింద్ ఆరోపించారు. కేసీఆర్ కొంత డబ్బు ఖర్చు చేసి కొన్ని ఛానెళ్లను మేనేజ్ చేస్తూ తప్పుడు ప్రచారం చేస్తున్నారని విమ‌ర్శించారు. అలాగే, సీఎం కేసీఆర్, ఎంఐఎం అధినేత అసదుద్దీన్ ఒవైసీ భేటీపైనా స్పందిస్తూ తీవ్ర విమ‌ర్శ‌లు గుప్పించారు.
వివ‌రాల్లోకెళ్తే.. బీజేపీ, బీఆర్ఎస్ ఒక్కటేనని తెలంగాణ సీఎం కేసీఆర్ తప్పుడు ప్రచారం చేస్తున్నారని బీజేపీ ఎంపీ అర్వింద్ ధర్మపురి ఆరోపించారు. కొన్ని నెలలుగా కేసీఆర్ కొంత డబ్బు ఖర్చు చేసి, కొన్ని ఛానళ్లను నిర్వహిస్తూ బీజేపీ, బీఆర్ఎస్ ఒక్కటేనని తప్పుడు ప్రచారం చేస్తున్నారని ఆరోపించారు. ఎంఐఎం అధినేత అసదుద్దీన్ ఒవైసీ, కేసీఆర్ భేటీపై ఆయన స్పందిస్తూ.. కేసీఆర్ సరైన ఆలోచన లేకుండా రాజకీయాలు చేస్తున్నారన్నారు. ఇప్పుడు ముస్లింల ఓట్లు కాంగ్రెస్ వైపు మళ్లుతాయేమోనని కేసీఆర్ భయపడుతున్నారని అన్నారు. ఈ టెన్షన్ లో ఉన్న కేసీఆర్ దీన్ని సరిదిద్దేందుకు వ్యూహరచన చేసేందుకు ఒవైసీ సహా ముఖ్య ముస్లిం నేతలతో సమావేశమయ్యారని పేర్కొన్నారు.
కేసీఆర్ అనాలోచిత రాజకీయాల వల్లే ముఖ్యమంత్రి కుమార్తె కవిత ఓడిపోయార‌ని అన్నారు. రానున్న రోజుల్లో అసెంబ్లీ ఎన్నికల్లో కూడా కేసీఆర్ ఓడిపోవడం ఖాయమన్నారు. కేసీఆర్ కూతురు మళ్లీ నిజామాబాద్ లోక్ సభ ఎన్నికల్లో పోటీ చేయాలని తాను పదేపదే చెబుతున్నాననీ, ఆమెకు భయం ఉంటే తన తండ్రిని పంపాలని కవితకు బీజేపీ ఎంపీ అర్వింద్ సూచించారు.
ఇదిలావుండ‌గా, యూనిఫామ్ సివిల్ కోడ్ విష‌యంలో ఇటీవ‌ల ప‌లువురు ముస్లిం నాయ‌కులు సీఎం కేసీఆర్ ను క‌లిశారు. కేంద్ర ప్రభుత్వం తీసుకొచ్చిన చట్టం రాజ్యాంగాన్ని నాశనం చేసి దాని స్థానంలో మతతత్వాన్ని తీసుకురావడం అవుతుందని అఖిల భారత ముస్లిం పర్సనల్ లా బోర్డు (ఏఐఎంపీఎల్బీ) సోమవారం తెలంగాణ ముఖ్యమంత్రి కేసీఆర్ కు లేఖ రాసింది.
'ఏకరూపత' లేదా 'సమానత్వం' అనే తప్పుడు ముసుగులో, మన సంస్కృతుల వైవిధ్యానికి భంగం కలిగించలేమని ఏఐఎంపీఎల్బీ రాసిన లేఖలో పేర్కొంది. ఇలాంటి 'ఏకరూపత' మన రాజ్యాంగాన్ని నాశనం చేసి, దాని స్థానంలో పేరుకు తప్ప మరో మతాన్ని ప్రవేశపెడుతుందని పేర్కొన్నారు. దేశంలో ఏకీకృత పౌర చట్టాల కోసం కేంద్ర ప్రభుత్వం చేస్తున్న ఒత్తిడి ప్రాథమిక హక్కులను బహిరంగంగా ఉల్లంఘించడమేననీ, ఇది మైనారిటీలను దూరం చేసే మెజారిటీ చర్య అవుతుందని లేఖలో పేర్కొన్నారు. రాజ్యాంగ విరుద్ధమైన సీఏఏ, ఎన్పీఆర్, ఎన్ఆర్సీలపై అభ్యంతరం వ్యక్తం చేస్తూ తెలంగాణ సీఎం రాష్ట్రాన్ని వేగంగా అభివృద్ధి చేశారని ముల్సిం పర్సనల్ లా బోర్డు ప్రశంసించింది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
