రైతులకు గుడ్ న్యూస్: రైతుబంధు కింద 70 లక్షల మంది రైతులకు రూ.7720 కోట్లు విడుదల
Hyderabad: తెలంగాణలో రైతుబంధు పథకం కింద 70 లక్షల మంది రైతులకు రూ.7720 కోట్లను ప్రభుత్వం విడుదల చేసింది. ఈ డ‌బ్బును నేరుగా రైతుల బ్యాంకు ఖాతాలో జ‌మ‌చేసింది. ఈ ఏడాది రైతుబంధు పథకం నిధులను పొందేందుకు కొత్తగా చేరిన లబ్ధిదారుల్లో 4 లక్షల ఎకరాల పోడు భూములను కలిగి ఉన్న సుమారు 1.5 లక్షల మంది పోడు రైతులు ఉన్నారు.
 )
FollowRythu Bandhu scheme: తెలంగాణలో రైతుబంధు స్కీమ్ కింద 70 లక్షల మంది రైతులకు రూ.7720 కోట్లను ప్రభుత్వం విడుదల చేసింది. ఈ డ‌బ్బును నేరుగా రైతుల బ్యాంకు ఖాతాలో జ‌మ‌చేసింది. ఈ ఏడాది రైతుబంధు పథకం నిధులను పొందేందుకు కొత్తగా చేరిన లబ్ధిదారుల్లో 4 లక్షల ఎకరాల పోడు భూములను కలిగి ఉన్న సుమారు 1.5 లక్షల మంది పోడు రైతులు ఉన్నారు.
వివ‌రాల్లోకెళ్తే.. రైతుబంధు పథకం 11వ విడ‌త కింద రాష్ట్ర ప్రభుత్వం రూ.7720 కోట్లను ఆదివారం విడుదల చేసింది. దీంతో రాష్ట్రవ్యాప్తంగా 70 లక్షల మంది రైతులకు లబ్ధి చేకూరనుంది. నేటి నుంచి రైతుల బ్యాంకు ఖాతాలకు నగదు జమ కానుంది. ఇది జూన్ నుండి సెప్టెంబరు మధ్య కాలంలో పంటలు విత్తబడే వ‌ర్ష‌కాలం (వానాకాలం) సీజన్ ప్రారంభం నేప‌థ్యంలో ప్రభుత్వం రైతుబంధు నిధులను విడుదల చేసింది. రైతు బంధు పథకం అనేది రాష్ట్ర ప్రభుత్వం ఇటీవల ప్రారంభించిన రైతు పెట్టుబడి పథకం, ఇది రైతులకు పంటకు పెట్టుబడిగా ప్రతి ఎకరా భూమికి రూ. 5,000 ప్రోత్సాహకాన్ని అందిస్తుంది. సాగుకు పెట్టుబడి సాయంగా ప్రభుత్వం రైతుబంధు స్కీమ్ ను తీసుకువ‌చ్చింది.
తెలంగాణలో రైతుబంధు కింద 70 లక్షల మంది రైతులకు రూ.7720 కోట్లను ప్రభుత్వం విడుదల చేసింది. ఈ డ‌బ్బును నేరుగా రైతుల బ్యాంకు ఖాతాలో జ‌మ‌చేసింది. ఈ ఏడాది రైతుబంధు పథకం నిధులను పొందేందుకు కొత్తగా చేరిన లబ్ధిదారుల్లో 4 లక్షల ఎకరాల పోడు భూములను కలిగి ఉన్న సుమారు 1.5 లక్షల మంది పోడు రైతులు ఉన్నారు. ప్రస్తుత ఎడిషన్‌లో పథకం పొందేందుకు కొత్త లబ్ధిదారులను చేర్చడంతో రాష్ట్ర ప్రభుత్వంపై అదనంగా రూ.300 కోట్ల భారం పడింది. మొదటి సారి లబ్ధిదారులు తమ బ్యాంకు ఖాతా వివరాలతో స్థానిక వ్యవసాయ అధికారులను సంప్రదించి అవాంతరాలు లేకుండా పంపిణీ ప్రక్రియ చేపట్టాలని వ్యవసాయ శాఖ మంత్రి ఎస్ నిరంజన్ రెడ్డి సూచించారు.
పెండింగ్‌లో ఉన్న ప్రాజెక్టులను పూర్తి చేయడం, కాళేశ్వరం ప్రాజెక్టు నిర్మాణం వల్ల సాగునీటి లభ్యత వల్ల సాగు పెరిగి వరి ఉత్పత్తి గణనీయంగా పెరిగిందని నిరంజన్‌రెడ్డి అన్నారు. పొరుగు రాష్ట్రాలు బియ్యం సరఫరా కోసం తెలంగాణ వైపు మొగ్గు చూపడం తెలంగాణ వ్యవసాయ విధానాల విజయానికి నిదర్శనమని మంత్రి తెలిపారు. ఎకరం భూమికి ఏడాదికి రెండుసార్లు రైతులకు రూ.10,000 సాయం చేస్తున్న ఏకైక భారత రాష్ట్రం తెలంగాణ అని వెల్లడించారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
