ఎమ్మెల్యే పదవికి రేపే ఈటల రాజీనామా: త్వరలో బీజేపీలోకి రాజేందర్
మాజీ మంత్రి ఈటల రాజేందర్ ఈ నెల 4వ తేదీన ఎమ్మెల్యే పదవికి రాజీనామా చేయనున్నారు. త్వరలోనే ఆయన బీజేపీలో చేరనున్నారు. బీజేపీలో చేరేందుకు ఆయనకు ఆ పార్టీ అగ్రనాయకత్వంతో ఆయన సమావేశమయ్యారు.
హైదరాబాద్: మాజీ మంత్రి ఈటల రాజేందర్ ఈ నెల 4వ తేదీన ఎమ్మెల్యే పదవికి రాజీనామా చేయనున్నారు. త్వరలోనే ఆయన బీజేపీలో చేరనున్నారు. బీజేపీలో చేరేందుకు ఆయనకు ఆ పార్టీ అగ్రనాయకత్వంతో ఆయన సమావేశమయ్యారు.గత నెల 31వ తేదీన న్యూఢిల్లీకి వెళ్లిన ఈటల రాజేందర్ ఇవాళ ఉదయమే హైద్రాబాద్ కు చేరుకొన్నారు. ఢిల్లీలో బీజేపీ అగ్రనేతలతో ఆయన వరుసగా సమావేశాలు నిర్వహించారు. ఈ సమావేశాలు ముగించుకొని ఇవాళ ఉదయమే ఆయన హైద్రాబాద్ కు చేరుకొన్నారు.
ఈ నెల 4వ తేదీన హుజూరాబాద్ ఎమ్మెల్యే పదవికి ఈటల రాజేందర్ రాజీనామా చేయనున్నారు. త్వరలోనే ఆయన ఢిల్లీకి వెళ్లి బీజేపీ అగ్ర నేతల సమక్షంలో ఆ పార్టీలో చేరనున్నారు. ఈటల రాజేందర్ బీజేపీలో చేరడాన్ని మాజీ మంత్రి పెద్దిరెడ్డి వ్యతిరేకించారు. ఈ విషయమై పార్టీ నాయకత్వం తనతో చర్చించకపోవడంపై ఆయన అసంతృప్తిని వ్యక్తం చేశారు. ఈ విషయమై బుధవారం నాడు పెద్దిరెడ్డితో బీజేపీ రాష్ట్ర అధ్యక్షుడు బండి సంజయ్ ఫోన్ లో మాట్లాడారు. బండి సంజయ్ ఫోన్ తో పెద్దిరెడ్డి మెత్తబడినట్టుగా పార్టీ వర్గాల్లో ప్రచారం సాగుతోంది.
also read:హైదరాబాదుకు రాక: బిజెపిలో చేరికపై ప్రశ్నకు జవాబివ్వని ఈటెల రాజేందర్
భూ కబ్జా ఆరోపణలతో కేసీఆర్ మంత్రివర్గం నుండి ఈటల రాజేందర్ భర్తరఫ్ అయ్యారు. తనపై ఉద్దేశ్యపూర్వకంగానే ఆరోపణలు చేస్తున్నారని ఈటల రాజేందర్ తెలిపారు. ఈ నెల 4 వ తేదీనే బీజేపీలో ఏ రోజున చేరనున్నారో ఆయన ప్రకటించే అవకాశం ఉంది. మరోసారి ఈటల రాజేందర్ ఢిల్లీకి వెళ్లే అవకాశం ఉందనే సమాచారం.