లోన్ యాప్ సంస్థలపై ఈడీ కన్నెర్ర చేసింది. దీనిలో భాగంగా బుధవారం నాలుగు కంపెనీలపై దాడులు చేసింది. ఇవాళ రూ.86 కోట్లను ఫ్రీజ్ చేయగా... ఇప్పటి వరకు 186 కోట్లకు పైగా నిధులను ఫ్రీజ్ చేసింది.
లోన్ యాప్ సంస్థలపై ఎన్ఫోర్స్మెంట్ డైరెక్టరేట్ కొరడా ఝళిపించింది. 4 లోన్ యాప్ కంపెనీలపై బుధవారం ఈడీ దాడులు చేసింది. రూ.86 కోట్లను ఈడీ ఫ్రీజ్ చేసింది. ఇప్పటి వరకు రూ.186 కోట్ల నిధులను ఫ్రీజ్ చేసింది. కుడుస్ ఫైనాన్స్, ఎస్ మనీ, రహినో , పయనీర్ ఫైనాన్స్ కంపెనీలపై ఈడీ దాడులు చేసింది. లోన్ యాప్ ద్వారా రూ.940 కోట్లు వసూలు చేశాయి చైనా కంపెనీలు . దేశ చట్టాలకు వ్యతిరేకంగా చైనా కంపెనీలు డబ్బు వసూలు చేసినట్లుగా అధికారులు గుర్తించారు. లోన్ యాప్ ద్వారా వసూలు చేసిన డబ్బును హవాలా ద్వారా విదేశాలకు పంపించాయి చైనా కంపెనీలు.
ఇకపోతే.. ఆన్లైన్ లోన్ యాప్ ల దారుణాలు రోజురోజుకు శృతిమించుతున్నాయి. ఈ యాప్స్ వలలో పడి.. ఎంతమంది ప్రాణాలు తీసుకుంటున్నారు. యాప్ నిర్వాహకులపై పోలీసులు ఎన్ని చర్యలు తీసుకుంటున్నా.. వారి ఆగడాలు ఆగడం లేదు. ఈ క్రమంలో వీటిపై హైదరాబాద్ సైబర్ క్రైమ్ పోలీసులు దృష్టిసారించారు. గూగుల్ స్టోర్ లో అందుబాటులో ఉన్నా.. అక్రమ ఆన్లైన్ లోన్ యాప్స్ పై చర్యలు తీసుకోవాలని, గూగుల్ ప్లే స్టోర్ నుండి తొలగించాలని సెర్చ్ ఇంజిన్, టెక్నాలజీ దిగ్గజం గూగుల్కు ఇటీవల లేఖ రాశారు. 221 అక్రమ ఆన్లైన్ లోన్ యాప్లను గూగుల్ ప్లే స్టోర్ నుండి తొలగించాలని సెర్చ్ ఇంజిన్ మేనేజ్మెంట్ను హైదరాబాద్ పోలీసులు అభ్యర్థించారు.
Also Read:fake loan apps: "ఆ ఫేక్ లోన్ యాప్లను తొలగించండి".. గూగుల్ను కోరిన హైదరాబాద్ పోలీసులు
ఇటీవల ఆన్లైన్ లోన్ యాప్ల దారుణాలపై అనేక ఫిర్యాదులు రావడంతో సైబర్ పోలీసు విభాగం అనేక నకిలీ రుణ యాప్లను గుర్తించింది, ముఖ్యంగా ప్లే స్టోర్లో. అనేక యాప్ల వివరణాత్మక ధృవీకరణను అనుసరించి, 221 యాప్లు చట్టవిరుద్ధమని; వాటిలో చాలా నకిలీవని తేలిందని పోలీసులు తెలిపారు. సైబర్ నేరగాళ్లు ఇటువంటి చట్టవిరుద్ధమైన, నకిలీ యాప్లను సృష్టించి, వాటిని ప్లే స్టోర్లో ఉంచుతున్నారు, సందేహించని వినియోగదారులు.. వాటిని నిజమైనవి అని నమ్మి డౌన్లోడ్ చేస్తారని సీనియర్ పోలీసు అధికారి తెలిపారు.
ముందుజాగ్రత్త చర్యగా.. ఈ యాప్లను తొలిగించాలని, వాటిని ఎందుకు తీసివేయాలి అనే కారణాలను వివరిస్తూ.. సైబర్ పోలీసులు రెండు రోజుల క్రితం గూగుల్కు లేఖ రాశారు. ఇంతకుముందు కూడా.. రిజర్వ్ బ్యాంక్ ఆఫ్ ఇండియా మార్గదర్శకాల ప్రకారం.. కొన్ని చట్టవిరుద్ధమైన, నకిలీ యాప్లను మేము గుర్తించామని, వాటిని తీసివేయమని Googleని అభ్యర్థించామని పోలీసులు తెలిపారు. అలాంటి యాప్లను గుర్తించడం. వాటిని Google మేనేజ్మెంట్ దృష్టికి తీసుకురావడం కొనసాగిస్తామని అధికారి తెలిపారు
