బీజేపీ తొలి జాబితా సిద్దం .. 38 మందికి ఛాన్స్.. అంబర్‌పేట, కరీంనగర్ టికెట్లు వీళ్లకే..!?

తెలంగాణ అసెంబ్లీ ఎన్నికల నేపథ్యంలో అన్ని పార్టీలు బిజీబిజీగా మారాయి. ఈ తరుణంలో బీజేపీ తన అభ్యర్థుల తొలి జాబితాను సిద్దం చేసినట్టు తెలుస్తోంది. ఇందులో 35 నుంచి 40 మంది అభ్యర్థులు దాదాపు ఖరారైనట్లు తెలుస్తోంది. అయితే.. బీజేపీ అధికారికంగా ప్రకటించనప్పటికీ.. ఈ పేర్లే దాదాపు ఖరారైనట్లు ప్రచారం జరుగుతోంది.

Bjp Candidates First List For Telangana Assembly Elections 2023 KRJ

Rajesh Karampoori

First Published Oct 9, 2023, 4:38 AM IST | Last Updated Oct 9, 2023, 4:38 AM IST

తెలంగాణ రాజకీయాలు వేడేక్కాయి. మరికొద్ది రోజుల్లో రాష్ట్ర అసెంబ్లీ ఎన్నికల షెడ్యూల్ విడుదలయ్యే అవకాశం ఉంది. ఇప్పటికే అధికార బీఆర్ఎస్ పార్టీ తమ అభ్యర్థులను ప్రకటించగా.. బీజేపీ, కాంగ్రెస్ పార్టీలో తమ అభ్యర్థుల జాబితాను విడుదల చేసేందుకు సిద్ధమయ్యాయి. తమ అభ్యర్థులను ఖరారు చేసే పనిలో పడ్డాయి. బీజేపీ తమ ఎమ్మెల్యే అభ్యర్థులను మరో వారం లేదా పది రోజుల్లో ప్రకటించే అవకాశం ఉంది. గత రెండు మూడు రోజుల కిత్రం పార్టీ అధ్యక్షుడు లక్ష్మణ్‌ అధ్యక్షతన సమావేశమైంది.

ఈ సమావేశంలో పార్టీ తరఫున పోటీచేసే అభ్యర్థుల తొలి జాబితాపై కసరత్తు చేశారు. ఈ క్రమంలో రాష్ట్ర వ్యాప్తంగా ఉన్న 119 శాసన సభ నియోజకవర్గాల్లో పోటీ చేసేందుకు వెయ్యిమందికి పైగా అభ్యర్థులు దరఖాస్తులను పరిశీలించినట్టు తెలుస్తోంది. ఈ నేపథ్యంలో ఎన్నికల కమిటీ 38 మందితో మొదటి జాబితాను సిద్ధం చేసినట్టు తెలుస్తోంది. ఆ జాబితాను ఇప్పటికే రాష్ట్ర నాయకత్వం అధిష్టానానికి పంపారంట. ఈ జాబితాను బీజేపీ అధిష్టానం పరిశీలించిన తర్వాత స్వల్ప మార్పులతో 38 మందితో కూడిన అభ్యర్థుల తొలి జాబితాను విడుదల చేయనున్నట్లు సమాచారం. మొత్తం మూడు జాబితాల్లో 119 మంది అభ్యర్థులను ప్రకటించనున్నట్లు బీజేపీ వర్గాలు పేర్కొంటున్నాయి.

తొలి జాబితా ఇదే..