ఇలాగైతే వొడాఫోన్ ఐడియా మూసివేయాల్సి వస్తుంది...?
ఐడియా సెల్యులార్, బ్రిటిష్ టెలికాం దిగ్గజం వోడాఫోన్ ఇండియా యూనిట్ గత సంవత్సరం విలీనం అయ్యాయి.ప్రభుత్వం నుండి మాకు ఎలాంటి సాయం అందకపోతే వోడాఫోన్ ఐడియా మూసివేయాల్సి వస్తుంది: కుమార్ మంగళం బిర్లా
 )
Followసుప్రీంకోర్టు ఉత్తర్వులను అనుసరించి స్పెక్ర్టమ్‌ చెల్లింపులు, లైసెన్స్‌ ఫీజుల బకాయిల విషయంలో ప్రభుత్వం దారుణంగా వ్యవహరిస్తుందని వెంటనే మాకు సాయం చేయకపోతే భారతదేశపు మూడవ అతిపెద్ద మొబైల్ సర్వీస్ ప్రొవైడర్ అయిన వోడాఫోన్ ఐడియా మూసివేయాల్సి వస్తుందని దాని చైర్మన్ కుమార్ మంగళం బిర్లా శుక్రవారం అన్నారు.
"మాకు ప్రభుత్వం నుంచి తక్షణం సాయం లభించకపోతే వోడాఫోన్ ఐడియాకు కథ ముగింపు అని నేను భావిస్తున్నాను" అని బిర్లా హిందూస్తాన్ టైమ్స్ లీడర్‌షిప్ సమ్మిట్‌లో వోడాఫోన్ ఐడియా భవిష్యత్తు గురించి అడిగినప్పుడు ఇలా అన్నారు.ఐడియా సెల్యులార్, బ్రిటిష్ టెలికాం దిగ్గజం వోడాఫోన్ ఇండియా యూనిట్ గత సంవత్సరం విలీనం అయ్యాయి.
also read నోకియా నుండి తొలి స్మార్ట్ టీవీ: ఆవిష్కరించిన ఫ్లిప్‌కార్ట్
అయితే వోడాఫోన్ ఐడియా రూ .1.17 లక్షల కోట్ల రుణాన్ని సేకరించింది. సర్దుబాటు చేసిన స్థూల రాబడి (ఎజిఆర్) విషయంలో ప్రభుత్వ స్థానాన్ని సుప్రీంకోర్టు సమర్థించిన తరువాత, టెలికమ్యూనికేషన్ విభాగానికి చెల్లింపు కోసం కేటాయించిన తరువాత కార్పొరేట్ ఇండియాకు అతిపెద్ద త్రైమాసిక నష్టాన్ని ఇది నమోదు చేసింది.
"ప్రభుత్వం నుండి మాకు ఎలాంటి సాయం అందనట్లయితే ఇక మా నెట్వర్క్ మూసివేస్తాము" అని వొడాఫోన్ ఐడియా ఎక్కువ డబ్బు ఇస్తుందా అని అడిగినప్పుడు అతను ఒక ప్రతిస్పందనగా చెప్పాడు.
భారతి ఎయిర్టెల్, వొడాఫోన్ ఐడియా, ఇతర టెలికాం కంపెనీలు కలసి టెలికాం లైసెన్స్‌ ఫీజు, స్పెక్ర్టమ్‌ యూసేజ్‌ చార్జీలు కలుపుకుని గత 14 ఏళ్లకు గాను ప్రభుత్వానికి రూ 1.47 లక్షల కోట్లు చెల్లించాల్సి ఉంది. ఈ బకాయిలపై వడ్డీ, జరిమానాను మాఫీ చేయాలని భారతి ఎయిర్టెల్, వొడాఫోన్ ఐడియా కోరుతున్నాయి.
ఎయిర్టెల్, వొడాఫోన్ ఐడియా రెండు నెట్వర్క్లకు వడ్డీ, జరిమానా మాఫీలో ఉపశమనం కలిగించాలని ప్రభుత్వానికి పిటిషన్ వేశాయి, తరువాత సుప్రీంకోర్టులో కూడా దీనిపై పిటిషన్ను కూడా దాఖలు చేసింది."టెలికాం చాలా క్లిష్టమైన రంగం అనే వాస్తవాన్ని ప్రభుత్వం గ్రహించాలీ. మొత్తం డిజిటల్ ఇండియా దీనిపై ఆధారపడి ఉందని ఇది వ్యూహాత్మక రంగం" అని ఆయన అన్నారు.
also read సంపన్నుల కోసం శామ్‌సంగ్ లగ్జరీ టీవీలు...ధర ఎంతంటే ?
"ఈ టెలికాం రంగం మేము కోనసాగించాల్సిన అవసరం ఉన్నందున మేము ప్రభుత్వం నుండి వెంటనే సాయం ఆశించవచ్చని నేను భావిస్తున్నాను. మాకు ఎలాంటి ఏ విధంగా సాయం లభించకపోతే వోడాఫోన్ ఐడియా నెట్వర్క్ ఇక మూసి వేయాల్సిన పరిస్థితి వస్తుంది అని నేను భావిస్తున్నాను" అని ఆయన అన్నారు.
గత వేలంలో టెలికాం కంపెనీలు కొనుగోలు చేసిన స్పెక్ట్రం కోసం చెల్లించాల్సిన చెల్లింపును ప్రభుత్వం గత నెల చివరిలో వాయిదా వేసింది. ఈ ఉపశమనం పరిశ్రమకు మొత్తం రూ .44,000 కోట్లు, అయితే కంపెనీలు రెండేళ్ల తాత్కాలిక నిషేధం తర్వాత వడ్డీతో కలిపి చెల్లించాల్సి ఉంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
