శుక్రవారం రోజున మీరు కొన్ని పనులను చేయడం వల్ల మీ జీవితంలో ఆర్థిక స్థిరత్వం పెరుగుతుంది. లక్ష్మీదేవి మీ ఇంట్లో అడుగుపెడుతుంది. దాని వల్ల మీకు ఉన్న ఆర్థిక సమస్యలన్నీ తీరిపోతాయి.

హిందూ ధర్మంలో వారంలో ప్రతి ఒక్కరోజు ఒక నిర్దిష్ట దేవతకు అంకితం చేశారు. ఇందులో శుక్రవారం లక్ష్మీదేవి కి ప్రత్యేకంగా అంకితమైన పవిత్రమైన రోజు. ఇక లక్ష్మీదేవి అంటేనే సంపద, శ్రేయస్సు, శుభకార్యాలకు మారుపేరు. శుక్రవారం రోజున లక్ష్మీదేవిని భక్తి శ్రద్ధలతో పూజించడం వల్ల అదృష్టం, డబ్బు, సంతోషం మన జీవితంలోకి అడుగుపెడతాయి.

శుక్రవారం రోజున మీరు కొన్ని పనులను చేయడం వల్ల మీ జీవితంలో ఆర్థిక స్థిరత్వం పెరుగుతుంది. లక్ష్మీదేవి మీ ఇంట్లో అడుగుపెడుతుంది. దాని వల్ల మీకు ఉన్న ఆర్థిక సమస్యలన్నీ తీరిపోతాయి. ఇంటికి సానుకూల శక్తిని కూడా తెస్తాయి. మరి, అవేంటో చూద్దామా...

1. తులసి పూజ తప్పనిసరి

శుక్రవారం ఉదయం స్నానం చేసిన తర్వాత తులసి మొక్కకు ఎర్రటి దుపట్టా చుట్టి, నెయ్యి దీపం వెలిగించి ఆరతి ఇవ్వండి. తులసిని లక్ష్మీదేవి స్వరూపంగా పూజిస్తారు. ఈ పూజ ధనం రావడానికి మార్గం సుగమం చేస్తుందని నమ్మకం.

2. కర్పూరం, లవంగాలు కాల్చడం

ఇంట్లో కర్పూరం, రెండు లవంగాలు వేసి కాల్చడం ద్వారా ప్రతికూల శక్తి తొలగిపోతుంది. ఇది వాస్తు దోషాలను పోగొట్టి, సంపద వృద్ధికి దోహదపడుతుంది.

3. రావి చెట్టుకు పవిత్ర దారం కట్టండి

రావిచెట్టు మూలానికి పాలు అభిషేకించి, పవిత్ర దారం కట్టి, దీపం వెలిగించండి. లక్ష్మీదేవి రావిచెట్టులో నివసిస్తుందన్న విశ్వాసం ఉంది. ఇలా చేయడం వల్ల లక్ష్మీ కటాక్షాన్ని పొందడంలో సహాయపడుతుంది.

4. శంఖం ఇంట్లో ఉంచండి

శుక్రవారం లక్ష్మీదేవి పూజలో శంఖం ని పూజించి, దానిని ఎర్ర వస్త్రంలో చుట్టి దక్షిణ దిశలో భద్రంగా ఉంచండి. ఇది సంపదను నిలుపుతుంది, డబ్బు కష్టాలను తగ్గిస్తుంది.

5. తామర పుష్పం సమర్పించండి

లక్ష్మీదేవికి తామర పుష్పం ఎంతో ఇష్టమైనది. అది అందుబాటులో లేకపోతే మందార పుష్పాన్ని ఉపయోగించవచ్చు. పుష్పార్చన ద్వారా శుభ శక్తులు ప్రేరణ చెందుతాయి.

6. బియ్యం పాయసం (ఖీర్) సమర్పించండి

పూజ అనంతరం బియ్యం పాయసం, కొబ్బరికాయను లక్ష్మీదేవికి సమర్పించి ప్రసాదంగా స్వీకరించండి. ఇది సంపద ప్రాప్తికి దారితీస్తుంది.

7. శుక్రవారం ధానం చేయండి

శుక్రవారం బియ్యం, పిండి, పాలు, పెరుగు వంటి వస్తువులను దానం చేయడం సంపదలో శ్రేయస్సు తీసుకురాగలదు. ముఖ్యంగా ఈ దానాన్ని అవసరమైనవారికి ప్రేమతో ఇవ్వండి.

ఈ పనులను కనుక మీరు ప్రతి శుక్రవారం రెగ్యులర్ గా చేయడం వల్ల లక్ష్మీదేవి కటాక్షం సులభంగా లభిస్తుంది. మీరు జీవితంలో ఆర్థిక స్థిరత్వం కోరుకుంటే, ఈ శుభకార్యాలను నమ్మకంతో చేయండి.