ఇవాంకాకు భోనగిరి నుంచి బహిరంగ లేఖ

First Published 29, Nov 2017, 11:37 AM IST
a bhongri mans open letter to Ivank Trump to visit the historic town as well
Highlights

నయీంగాడు గూడా లేడు సెక్యూరిటీ లేకుంటనే ఎటంటే అటు పుర్సత్ గా తిరుగొచ్చు. పోచంపల్లి చీరలు మస్త్ ఫేమస్ మాకాడ. ఓ నాల్గు చీరలు పట్కవోదువుతీయి. 

నా ప్రియమైన ఇవాంకా...

ఒక్కపారి మా భోనగిరికిరా. గోల్కొండ కోట లెక్కనే మా భోనగిరి కోట మీద తిరుగొచ్చు. ఫలక్ నుమా ప్యాలెస్ లెక్కనే మా వివేరా హోటల్ల మంచిగా పొలావ్ బువ్వ, నాటుకోడితోని ధావతి చేస్కుందాం. కుతి గుంజితే ఇంత కల్లువొట్టు తెప్పిస్త...ఓ దమ్ము వట్టొచ్చు. ఇగ బిజినెస్ ముచ్చట్లు అంటవా...నాట్ల కాలం. నారు పీకుడు, ఒడ్డొరం పెట్టుడు, పొలం రొప్పుడు, మందు సల్లుడు...ఓ పొంటెల కమానం మీటింగ్ పెట్టొచ్చు. నయీంగాడు గూడా లేడు సెక్యూరిటీ లేకుంటనే ఎటంటే అటు పుర్సత్ గా తిరుగొచ్చు. పోచంపల్లి చీరలు మస్త్ ఫేమస్ మాకాడ. ఓ నాల్గు చీరలు పట్కవోదువుతీయి. పాత బస్టాండ్ల మా పట్కరోల్ల దుక్నంల మంచి గాజులు పెట్టిస్త.

అవుసులోల్ల గల్లీల ముక్కు చెవులు కుట్టిస్త. టైముంటే మా భోనగిరి ఐమ్యాక్స్ వసుంధర టాకీస్ల శిన్మ సూడొచ్చు. మర్నాడు ఉంటా అంటే పక్కకే మా ఊరు రామక్రిష్ణాపురం పోదాం. మా పొలంల తిరుగుకుంట ఇద్దరం సెల్ఫీ పోట్వలు దిగుదాం. మా సోపతిగాళ్లను పరిచయం చేస్తే. ఆళ్ల మాటలు ఇంటే మస్తు ఖుషీ ఐతవ్. బిడ్డె అమ్రికాకెల్లొచ్చిందని అమ్మ ఆర్తిగా సర్వపిండి, మలిద ముద్దలు చేశిపెడుతది. మీ డాడి కోపం ఎట్ల సల్లవడెయ్యాల్నో మా నాయిన నాల్గు ముచ్చట్లు శెవిలేస్తడు. గీ తెల్లపిల్లను తెచ్చిండేంది అని మా పొల్ల ఏం గుస్సాగాదు. ఇంటికొచ్చిందని ఓ రైక ముక్కవెట్టి సాగనంపుతది. మా ఊరి అమ్మలక్కలతోని కల్శి మంచిగ బతుకమ్మ ఆడొచ్చు. మా బాలన్న బాయికాడ కొర్రమట్టల సాదుకం సూశి..నిమ్మకాయ షర్బత్ దాగి...అమేయాతోని ఆడుకోవచ్చు జెరశేపు. అట్లనే జెరంత దూరంబోతే రాగీర్ వొస్తది. పట్నం హుస్సేన్ సాగర్ చెరువల నిలవెట్టిన బుద్దుని ఇగ్రం రాగీర్ గుట్ట మీదనే శెక్కిండ్రు. మీకు స్టాట్యూ ఆఫ్ లిబర్టీ ఎట్లనో మాకు బుద్ద ఇగ్రం అట్ల. ఇంక జెర అసంటవోతే...యాదగిరిగుట్టొస్తది. గుర్తువట్ట రాకుంట ఎట్ల మారుస్తున్నరో సూశి...నర్సన్న దీవెనర్తులు తీస్కుందాం. ఇగ పట్నం పతపొత మా భోనగిరి ఎల్లమ్మ తల్లికి బోనం ఎక్కిచ్చి ఇంత కల్లు సాక పెడితే ఆ తల్లి నిన్ను, మీ అయ్యను సల్లగ సూస్తది. ఏమంటవ్ మల్ల వొస్తవా. వొచ్చెదుంటే ఒక్క మత్లావ్ పంపు పోన్ల. నా హీరోహోండా ఫ్యాషన్ ప్లస్ బండేస్కోని రప్పున ఉర్కొస్త గాలిమోటర డిపోకు. కుల్లం కుల్ల మొత్తం చెప్పేశిన...ఇగ ఉంట మరి... యాది మరువకు...

నీ తెలంగాణ

దోస్తు

రఘు

భువనగిరి.

loader