ఒక్క ముస్లింకూడా లేని ఈ గ్రామం పీర్ల పండుగను ఎందుకు జరుపుకుంటుంది?
Muharram: ముస్లింల ప్రధాన పర్వ దినాలలో మొహరం / పీర్ల పండుగ ఒకటి. హసన్, హుస్సేన్ అనే ముస్లిం వీరుల స్మారకార్థం శోక తప్త హృదయాలతో జరుపు కునే కార్యక్రమమే మొహర్రం. పీర్ అంటే మహాత్ములు, ధర్మనిర్దేశకులు అని అర్థం. ధర్మ యుద్ధంలో ప్రాణాలు కోల్పోయిన వీరులకు ప్రతీకగా హస్తాకృతి కలిగిన రూపాలను తయారు చేసి వాటిని అలంకరించి, ఊరేగించి, పూజించే వాటిని పీర్లు అని పిలుస్తారు. చాలా ప్రాంతాల్లో ముస్లింలే కాకుండా ఇతర మతాల వారు కూడా ఇందులో పాలుపంచుకుంటారు. అయితే, ఒక్క ముస్లిం కూడా లేని కర్నాటకలోని ఒక గ్రామం పీర్ల పండుగను ఎంతో ఘనంగా జరుపుకుంటుంది.. !
 )
Hirebidanur-Peerla Panduga: భారతదేశంలో మత సామరస్యానికి, సమకాలీన సంస్కృతికి మరో ఉదాహరణగా, ఒక్క ముస్లిం కూడా నివసించని కర్నాటకలోని ఒక గ్రామం మహమ్మద్ ప్రవక్త మనుమలు ఇమామ్ హుస్సేన్, ఇమామ్ హసన్ ల అమరవీరుల స్మారకార్థం నిర్వహించే మొహర్రం లేదా పీర్ల పండుగను ఎన్నో సంవత్సరాలుగా జరుపుకుంటోంది. ఒక్క ముస్లిం కూడా లేని ఈ గ్రామం ఎందుకు ఈ పీర్ల పండుగ జరుపుకుంటుంది..? అనే విషయం గురించి ఆ గ్రామంలోని ప్రజలు ఆసక్తికర విషయాలు వెల్లడించారు.. బెళగావి జిల్లా కేంద్రానికి 51 కిలోమీటర్ల దూరంలో ఉన్న సౌందరి తాలూకాలోని హిరేబిదనూర్ గ్రామస్థులు ఒక శతాబ్దానికి పైగా మొహర్రం మాసానికి సంబంధించిన ఆచారాలను పాటిస్తున్నారు.
ఇటీవల పునరుద్ధరించిన మసీదును స్థానికులు 'ఫకీరేశ్వర్ స్వామి' మసీదుగా నామకరణం చేశారు. ఈ గ్రామంలో ఇస్లాం మతానికి కనిపించే ఏకైక చిహ్నం అయినప్పటికీ మొహర్రం మాసం వచ్చిందంటే గ్రామ వీధులు వెలుగులతో వెలిగిపోతాయి. మసీదును చూసుకునే, అక్కడ ప్రార్థనలు నిర్వహించే హిందూ పూజారి యల్లప్ప నాయకర్ ప్రకారం.. చాలా కాలం క్రితం ఇద్దరు ముస్లిం సోదరులు మసీదును నిర్మించారు. గుత్తనట్టి గ్రామానికి సమీపంలో మరో భవనాన్ని కూడా నిర్మించారు. సోదరులు మరణించిన తరువాత.. చుట్టుపక్కల ముస్లింలు ఎవరూ లేకపోవడంతో, స్థానికులు (ఎక్కువగా హిందూ కులస్థులు) ప్రతి సంవత్సరం మొహర్రం ప్రార్థనలు, వేడుకలను నిర్వహించడం.. ఆచరించడం కొనసాగిస్తున్నారు. గ్రామస్తులు కర్బల నృత్యాన్ని ప్రదర్శించి గ్రామాన్ని రోప్ ఆర్ట్ తో అలంకరిస్తారు. వారు కూడా అగ్నిపై నడుస్తూ, త్యాగానికి చిహ్నమైన తాజియాను నెలలో చివరి ఐదు రోజులు గ్రామ వీధుల గుండా తీసుకువెళతారు.
ఎప్పటిలాగే ఈ ఏడాది కూడా సమీపంలోని మసీదు నుంచి మౌల్వీని ఏడు రోజుల పాటు మసీదులో ప్రార్థనలు, ఆచారాలు నిర్వహించేందుకు గ్రామస్థులు ఆహ్వానించారు. మౌల్వీకి గ్రామస్థులు ఆతిథ్యం ఇవ్వడంతో పాటు అతనికి వసతి కూడా కల్పించి అతని అవసరాలన్నీ వారే తీరుస్తున్నారు. ఈ కాలాన్ని మినహాయిస్తే, మసీదును చూసుకునేది హిందూ పూజారి యల్లాప్ నాయకర్.. గ్రామస్థులు ప్రతిరోజూ ఇక్కడకు వచ్చి ప్రార్థనలు చేస్తారు. హిరేబిదనూరులో కురుబ, వాల్మీకి వర్గాలకు చెందిన సుమారు 3,000 మంది నివసిస్తున్నారు. రంజాన్ తరువాత ఇస్లామీయ క్యాలెండర్ లో రెండవ పవిత్ర మాసం మొహర్రం మాసంలోని ఈ రోజులు, హెరిబిదనూర్ వీధులు కర్బల్ నృత్యం, రోప్ ఆర్ట్ మరియు అగ్నిపై నడిచే ఆచారం వంటి కళలతో వెలిగిపోతాయి. మసీదు భవన పునరుద్ధరణకు గత ఏడాది శాసనసభ్యుడు మహంతేష్ కౌజలగి రూ.8 లక్షలు కూడా మంజూరు చేశారు. ముహమ్మద్ ప్రవక్త మనవడికి సంతాపం తెలిపే ముహర్రం సంబంధిత ఆచారాలను నిర్వహించే సంప్రదాయం శతాబ్దాల నాటిదని స్థానికులు చెబుతున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
