కరోనాపై లోక్ సభలో ప్రకటన చేసిన కేంద్ర ఆరోగ్య మంత్రి మన్సుఖ్ మాండవీయ.. ఏమన్నారంటే ?
ప్రజలందరూ కరోనా జాగ్రత్తలు పాటించాలని కేంద్ర ఆరోగ్య మంత్రి మన్సుఖ్ మాండవీయ అన్నారు. బహిరంగ వేడులకు దూరంగా ఉండాలని, చేతులు పరిశుభ్రంగా ఉంచుకోవాలని తెలిపారు.
 )
Followప్రపంచంలోని పలు ప్రాంతాల్లో కోవిడ్ కేసులు పెరుగుతున్న నేపథ్యంలో కేంద్ర ఆరోగ్య మంత్రి మన్సుఖ్ మాండవియా గురువారం లోక్ సభలో ఓ ప్రకటన చేశారు. అన్ని రాష్ట్రాలు అప్రమత్తంగా ఉండాలని, ఫేస్ మాస్క్ లు ధరించడం, హ్యాండ్ శానిటైజర్లను ఉపయోగించడంపై అవగాహన కల్పించాలని కోరారు.
వైరస్ నిరంతరం అభివృద్ధి చెందుతోందని, ఇది ప్రపంచ ఆరోగ్యానికి ముప్పుగా ఉందని, వాస్తవంగా ప్రతీ దేశాన్ని ప్రభావితం చేసే విధంగా ఉందని మాండవీయ లోక్ సభలో ప్రకటించారు. ప్రపంచవ్యాప్తంగా ప్రతిరోజూ సగటున 5.87 లక్షల కొత్త కేసులు నమోదవుతుండగా, భారతదేశంలో ప్రతిరోజూ సగటున 153 కొత్త కేసులు నమోదవుతున్నాయని తెలిపారు.
చైనా నుంచి వచ్చిన వ్యక్తికి కరోనా పాజిటివ్.. గుజరాత్‌లో నమోదు
రాబోయే పండుగలు, నూతన సంవత్సర వేడుకల దృష్ట్యా మాస్కుల వాడకం, చేతి పరిశుభ్రత, శ్వాసకోశ పరిశుభ్రత పద్ధతులతో పాటు కోవిడ్ ప్రవర్తనా నియమావళికి కట్టుబడి ఉండటంపై ప్రజలకు అవగాహన కల్పించాలని, ఈ విషయంపై రాష్ట్రాలు దృష్టి పెట్టాల్సిన అవసరం ఉందని చెప్పారు. కమ్యూనిటీలో నిఘా పెంచడంపై దృష్టి పెట్టాలని, అవసరమైన నియంత్రణ చర్యలు చేపట్టాలని రాష్ట్రాలకు సూచించినట్లు మాండవియా తెలిపారు.
కొత్త వేరియంట్లను సకాలంలో గుర్తించడానికి అన్ని పాజిటివ్ కేసుల మొత్తం జన్యుక్రమాన్ని పెంచాలని రాష్ట్రాలకు సూచించినట్లు ఆయన తెలిపారు. కోవిడ్ -19 వ్యాక్సిన్ ముందు జాగ్రత్త మోతాదుల కవరేజీని పెంచాలని, వాటిపై అవగాహన పెంచాలని మాండవీయ అన్నారు. దేశంలోకి ఏదైనా కొత్త వేరియంట్ ప్రవేశించే ప్రమాదాన్ని తగ్గించడానికి అన్ని అంతర్జాతీయ విమానాశ్రయాలలో పరీక్షలు నిర్వహించడం గురువారం నుంచే ప్రారంభమయ్యాయని అన్నారు.
కరోనా వైరస్ ఎఫెక్ట్: జన ఆక్రోష్ యాత్రను నిలిపివేసిన బీజేపీ
కాగా.. కోవిడ్ -19 కేసులు మళ్లీ పెరగకుండా నిరోధించడానికి, వ్యూహాలను రూపొందించడానికి కేంద్ర ఆరోగ్య మంత్రి బుధవారం ఉన్నతాధికారులు, నిపుణులతో ఉన్నత స్థాయి సమీక్ష సమావేశం నిర్వహించారు. చైనాలో కోవిడ్ ఇన్ఫెక్షన్ల విస్తృత పెరుగుదల వెనుక ఒమిక్రాన్ వేరియంట్ బీఎఫ్ - 7 ఉందని ప్రభుత్వం తెలిపింది. భారతదేశంలో ఇప్పటి వరకు మూడు సబ్ వేరియంట్ కేసులు గుర్తించామని తెలిపింది.
బహిరంగ ప్రదేశాల్లో మాస్కులు ధరించండి.. సమావేశాలకు దూరంగా ఉండండి : ప్రజలకు ఐఎంఏ సూచన
ఆరోగ్య మంత్రి నిర్వహించిన ఈ సమావేశంలో ఆరోగ్య, ఆయుష్, ఫార్మాస్యూటికల్స్, బయోటెక్నాలజీ శాఖల కార్యదర్శులు, ఇండియన్ కౌన్సిల్ ఆఫ్ మెడికల్ రీసెర్చ్ (ఐసీఎంఆర్) డైరెక్టర్ జనరల్ రాజీవ్ బహల్, నీతి ఆయోగ్ సభ్యుడు (హెల్త్) వీకే పాల్, ఇమ్యునైజేషన్ జాతీయ సాంకేతిక సలహా బృందం (ఎన్టీఏజీఐ) చైర్మన్ ఎన్ఎల్ అరోరా, ఇతర సీనియర్ అధికారులు పాల్గొన్నారు. ఈ సమావేశంలో ముగిసిన తరువాత మన్సుఖ్ మాండవీయ మీడియాతో మాట్లాడారు. కోవిడ్ ఇంకా ముగియలేదని అన్నారు. అప్రమత్తంగా ఉండాలని, నిఘాను బలోపేతం చేయాలని తాను సంబంధిత అధికారులను ఆదేశించానని అన్నారు. అనంతరం నీతి ఆయోగ్ సభ్యుడు డాక్టర్ వీకే పాల్ మాట్లాడుతూ.. భారతదేశంలో అర్హత కలిగిన జనాభాలో కేవలం 27-28 శాతం మంది మాత్రమే కోవిడ్ -19 ముందు జాగ్రత్త మోతాదును తీసుకున్నారని అన్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
