ఒక వ్యక్తి లేదా ఒక కంపెనీ వెంటనే పేరు తెచ్చుకుంటాయానేవి కేవలం మాటలే. ఒక వ్యక్తి లేదా కంపెనీ విజయం వెనుక ఎంతో కష్ట, నష్టాలు ఉంటాయి. ఇలా సక్సెస్ అయిన ‘ఫిజిక్స్ వాలా’ ఫేమ్ అయిన అలక్ పాండే గురించి కొన్ని ఇంట్రెస్టింగ్ విషయాలు.  


కరోనా మహమ్మారి సమయంలో అభివృద్ధి చెందిన ఎన్నో సంస్థల్లో ఫిజిక్స్ వాలా (పీడబ్ల్యుూ) ఒకటి. బోధనపై ఉన్న మక్కువే ఇప్పుడు భారతదేశం 101 వ యూనికార్న్ అయిన యూట్యూబ్ ఛానెల్ ను ప్రారంభించడానికి ప్రేరేపించింది. ఫిజిక్స్ వాలా విజయగాథ, దాని వ్యవస్థాపకుడు అలఖ్ పాండే గురించి ఎన్నో విషయాలు మనకు ప్రేరణ కలిగిస్తాయి. దీనికోసం వారు పడ్డ కష్టాలు, ఆర్థిక సమస్యలు అన్నీ ఇన్నీ కాదు. ఆ అడ్డంకులనన్నింటినీ అధిగమించి ఆయన ఎలా యూరికార్న్ గా మారారో ఇప్పుడు తెలుసుకుందాం.. 

ఫిజిక్స్ వాలా గురించి

అలాఖ్ పాండే 2014లో ఫిజిక్స్ వాలా అనే ఎడ్ టెక్ వ్యాపారాన్ని ప్రారంభించారు. ఇది సరసమైన ధరకు మంచి నాణ్యతున్న విద్య అవకాశాలను అందించే ఆన్లైన్ లెర్నింగ్ ప్లాట్ఫామ్. 6 నుంచి 12వ తరగతి విద్యార్థులకు జేఈఈ, నీట్, ఇతర ప్రవేశ పరీక్షలకు సంబంధించి వివిధ అంశాలపై ఉపన్యాసాలు, పరిష్కారాలను ఈ స్టార్టప్ అందిస్తోంది. ఇది పిల్లల ఎదుగుదలకు సహాయపడుతుంది. అంతేకాదు లెసెన్స్ చాలా సులువుగా అర్థమయ్యేలా చేస్తుంది. 

యూట్యూబ్ ఛానల్ గా ప్రారంభమైన ఫిజిక్స్ వాలా సక్సెస్ స్టోరీ 6 లక్షల మంది విద్యార్థులకు మార్గనిర్దేశనం అయ్యింది. దీనిలో 13,700కు పైగా వీడియో లెక్చర్లను తన ప్లాట్ ఫామ్ లో అందుబాటులో ఉంచింది. ఫ్రీ, పెయిడ్ బ్యాచ్ లను అందించి వేలాది మంది విద్యార్థులలో ఫిజిక్స్ వాలా గొప్ప ఖ్యాతిని పొందింది. 

ఎడ్ టెక్ రంగంలో ఫిజిక్స్ వాలా సక్సెస్ స్టోరీ

ఫిజిక్స్ వాలా ఎడ్ టెక్ రంగంలో ఒక భాగం. భారతదేశంలో ఎడ్ టెక్ రంగానికి పదేళ్ల నుంచి మంచి వృద్ధి సాధిస్తోంది. ఇంకా ఈ మధ్యకాలంలో ఇది మరింత వేగంగా పాపులారిటీ అవుతుంది. విస్తరణ చెందుతోంది. 2020లో ఎడ్ టెక్ మార్కెట్ విలువ 750 మిలియన్ డాలర్లు ఉంటుందని అంచనా. వచ్చే అయిదేండ్లలో ఇది 4 బిలియన్ డాలర్లకు చేరొచ్చు. అయితే గత పదేండ్ల కాలంలో ఈ సంస్థల్లోకి నిధులు, ఇతర పెట్టుబడులు 32 రెట్లు పెరిగాయి. 

ఫిజిక్స్ వాలా మిషన్, విజన్

విద్యార్థులందరికీ విద్యను అందుబాటులోకి తీసుకురావడం ద్వారా "వారి సామాజిక-ఆర్థిక పరిస్థితులతో సంబంధం లేకుండా అందరికీ విద్యను అందించడం" ఫిజిక్స్ వాలా లక్ష్యం. విద్య ద్వారా దేన్నైనా మార్చవచ్చని అభిప్రాయపడింది. ఫిజిక్స్ వాలా పురోగతికి ఇదే మార్గదర్శక సూత్రం.

ఫిజిక్స్ వాలా వ్యవస్థాపకుడు, సీఈఓ అలఖ్ పాండే. 2 అక్టోబర్ 1991న ఉత్తరప్రదేశ్ లోని ప్రయాగ్ రాజ్ లో జన్మించారు. పాఠశాల రోజుల నుంచి పాండేకు బోధనపై మక్కువ ఎక్కువ. ఐఐటీలో చేరేందుకు ప్రయత్నించి ప్రవేశ పరీక్షలో ఫెయిలయ్యాడు. కాలేజీ మానేసినప్పటికీ పాండే కోచింగ్ ఇనిస్టిట్యూట్ లో ఫిజిక్స్ టీచర్ గా తన పనిని ప్రారంభించాడు. కానీ వేరే దారి లేకపోవడంతో అలహాబాద్ కు తిరిగివచ్చి ఓ కోచింగ్ సెంటర్ లో కోచ్ గా పనిచేయడం ప్రారంభించాడు .అక్కడ నెలకు రూ.5000 మాత్రమే జీతం వచ్చేది. తక్కువ జీతం వచ్చినా కీర్తి పుష్కలంగా ఉండేది. అతను చెప్పే బోధనా శైలి అతనికి మంచి పేరు ప్రఖ్యాతలను తెచ్చి పెట్టింది. విద్యార్థుల మనస్సును గెలుచుకున్నాడు. చాలా ఈజీగా అర్థమయ్యే పద్దతిలో భోధనను అందించారు. ఆ తర్వాత తన యూట్యూబ్ ఛానల్ ను ప్రారంభించడంతో ఆయన జీవితం ఒక్కసారిగా మారిపోయింది. విద్యార్థులకు సరసమైన ధరకు ఉత్తమ విద్యావకాశాలు కల్పించాలని ఆయన లక్ష్యంగా పెట్టుకున్నారు.

ఫిజిక్స్ వాలా విజయం

ఎన్నో ఒడిదుడుకులు ఎదురైనా ఫిజిక్స్ వాలా కథనం స్ఫూర్తిదాయకం. "అద్భుతమైన లేదా మంచి విషయాలకు సమయం పడుతుంది" అనే సామెతను వారు నమ్ముతారు. అందుకే మొదటి సంవత్సరంలో ఇది సక్సెస్ కాకపోయినా.. ఫుల్ టైమ్ యూట్యూబర్ కావాలనే తన కలను కొనసాగించడానికి పాండే 2017 లో టీచింగ్ సెంటర్ నుంచి వచ్చేశారు. అయితే కోవిడ్ -19 కారణంగా లాక్ డౌన్ సమయంలో ఫిజిక్స్ వాలా అవసరం చాలా ఏర్పడింది. ఫలితంగా తన ప్లాట్ ఫామ్ ను విస్తరించాలని అలాఖ్ పాండే నిర్ణయం తీసుకున్నాడు. ప్రస్తుతం ఫిజిక్స్ వాలా 60 లక్షల మందికి పైగా విద్యార్థులకు బోధించింది. 

స్టార్టప్ 'యూనికార్న్'గా ఎప్పుడు మారింది?

2022 వరకు ఉన్న ఆదాయం మొత్తాన్ని అలఖ్ పాండే ఉపయోగించాడు. కంపెనీ ఆవిర్భావం నుంచి 'ఫిజిక్స్ వాలా' యాప్ రూపకల్పన వరకు అన్నింటికీ ఆయన యూట్యూబ్ సంపాదనే నిధులు సమకూర్చింది. ఈ వ్యాపారం మొదట 2022 లో తన సామర్థ్యాన్ని చూసింది. జూన్ 7న ఈ స్టార్టప్ తన సిరీస్ ఎ ఇన్వెస్ట్ మెంట్ ను పూర్తి చేసుకుంది. సెల్ఫ్ మేడ్ ఎంటర్ ప్రెన్యూర్ అయిన అలఖ్ పాండే తన స్టార్టప్ కోసం వెస్ట్ బ్రిడ్జ్ క్యాపిటల్, జీఎస్ వీ వెంచర్స్ నుంచి 100 మిలియన్ డాలర్లు సమీకరించగలిగారు. తర్వాత ఈ స్టార్టప్ భారతదేశంలోని యునికార్న్ స్టార్టప్ ల జాబితాలోకి ప్రవేశించింది.