ఢిల్లీలో ఓ వ్యక్తిని కారు బానెట్ పై మోసుకెళ్లుతున్న వీడియో ఇప్పుడు సంచలనమైంది. జనవరి 12వ తేదీన ఈ ఘటన చోటుచేసుకుంది. ఇందుుకు సంబంధించిన వీడియో వైరల్ అవుతున్నది.
న్యూఢిల్లీ: ఈ ఏడాది తొలి రోజే ఉదయం ఢిల్లీలో ఓ మహిళను కొన్ని కిలోమీటర్లు కారు ఈడ్చుకెళ్లిన ఘటన దేశవ్యాప్తంగా కలకలం రేపిన సంగతి తెలిసిందే. మహిళను కారు కొన్ని కిలోమీటర్లు టైర్ల కిందే ఈడ్చుకెళ్లడంతో ఆమె దారుణంగా మరణించింది. ఈ ఘటన మరువకముందే దీనిని పోలిన ఘటనే ఒకటి తాజాగా అదే ఢిల్లీలో చోటుచేసుకుంది. ఓ వ్యక్తిని కారు బానెట్ పై కొంత దూరం తీసుకెళ్లిన ఘటన జరిగింది. ఇందుకు సంబంధించిన వీడియో కూడా సోషల్ మీడియాలో వైరల్ అవుతున్నది.
ఢిల్లీలోని రజౌరీ గార్డెన్ ఏరియాలో ఓ కారు బానెట్ పై వ్యక్తిని మోసుకెళ్లిన ఘటన ఈ నెల 12వ తేదీన జరిగింది. అయితే, అంతకు ముందే రోడ్డుపై ఓ గొడవ జరిగింది. ఆ గొడవ తర్వాతే ఆ వ్యక్తిని కారు బానెట్ పై అలాగే లాక్కెళ్లిన ఘటన చోటుచేసుకుంది. ఆ వ్యక్తిని కారు బానెట్ పై మోసుకెళ్లుతున్న దృశ్యాలు సీసీటీవీలో కనిపించాయి.
Also Read: మహిళా డ్యాన్సర్తో అసభ్యంగా ప్రవర్తించే ప్రయత్నం.. ఆమె గుణపాఠం ఎలా చెప్పిందంటే? (వీడియో)
ఢిల్లీ పోలీసులు యాక్షన్లోకి దిగారు. నిందితుడిని గుర్తించారు. అతడిపై ఐపీసీలోని 279, 323, 341, 308 సెక్షన్ల కింద కేసు నమోదు చేశారు. నిందితుడిని పోలీసులు విచారిస్తున్నారు.
