అప్పుడే పుట్టిన మగ శిశువును చిదిమేసిన కన్నతల్లి, ఆడపిల్ల పుట్టలేదనే అక్కసుతో...

Maharashtra woman kills his  son as she wanted ‘girl child’
Highlights

రివర్స్ కేసు...

అందరూ తమకు మగ పిల్లలు పుట్టాలను కోరుకుంటున్న ఈ కాలంలో ఆ మహిళ మాత్రం రివర్స్ లో ఆశపడింది. తనకు ఆడబిడ్డే పుట్టాలని కోరుకుంది. అయితే ఆవిడ కోరుకున్నట్లు ఆడపిల్ల కాకుండా మగబిడ్డ జన్మించాడు. దీంతో తీవ్ర మనస్థాపానికి గురైన ఆ తల్లి కన్న ప్రేమను మరిచి మగపిల్లాడిని దారుణంగా హత్య చేసింది. ఈ విషాద సంఘటన మహారాష్ట్ర లోని ఔరంగాబాద్ ప్రాంతంలో చోటుచేసుకుంది.
 
వివరాల్లోకి వెళితే... ఔరంగాబాద్‌కు చెందిన ఓ మహిళకు ఆడపిల్లలంటే చాలా ఇష్టం. గర్భవతిగా ఉండగా తనకు ఆడబిడ్డ పుట్టాలని ఎన్నో దేవుళ్లకు మొక్కింది. కానీ ఆమె కోరికకు వ్యతిరేకంగా మగ పిల్లాడు పుట్టాడు. అయితే మగ శిశువు జన్మించడాన్ని జీర్ణించుకోలేని ఆ తల్లి.. కన్న కొడుకు అనికూడా దారుణంగా హత్య చేసింది. ఆ తర్వాత పసిగుడ్డు మృతదేహాన్ని ఇంటి బయట ఉన్న ఓ డ్రమ్ములో పడేసి తనకేమి తెలియనట్లుగా ఉండిపోయింది.

అయితే ఈ పిల్లాడి శవాన్ని డ్రమ్ములో గుర్తించిన కుటుంబ సభ్యులు పోలీసులకు ఫిర్యాదు చేశారు. వీరి ఫిర్యాదు మేరకు పోలీసులు కేసు నమోదు చేసి దర్యాప్తు చేయగా అసలు విషయం బైటపడింది. దీంతో పోలీసులు నిందితురాలిని అదుపులోకి తీసుకున్నారు.    
 

loader