మహారాష్ట్ర విద్యావంతులు ఫడ్నవీస్ - షిండేను తిరస్కరించారు - ఎమ్మెల్సీ ఎన్నికల ఫలితాలపై ‘సామ్నా’ సంపాదకీయం
ఏక్ నాథ్ షిండే నేతృత్వంలోని మహారాష్ట్ర ప్రభుత్వాన్ని రాష్ట్రంలోని విద్యావంతులు తిరస్కరించారని శివసేన అధికార పత్రిక సామ్నా సంపాదకీయం పేర్కొంది. ఆ కూటమి మరిన్ని ఓటమిలు జీర్ణించుకోవాల్సి ఉందని తెలిపింది.
రాష్ట్రంలో ఇటీవల జరిగిన ఎమ్మెల్సీ ఎన్నికల్లో అధికార కూటమి అధిక స్థానాల్లో ఓడిపోయింది. అయితే ఈ ఓటమి నేపథ్యంలో ముఖ్యమంత్రి ఏక్నాథ్ షిండే నేతృత్వంలోని మహారాష్ట్ర ప్రభుత్వంపై శివసేన అధికార పత్రిక తీవ్రంగా దాడి చేసింది. విద్యావంతులు బీజేపీ, శివసేన (షిండే వర్గం) పాలక కూటమిని తిరస్కరించారని తెలిపింది.
అసోంలో బాల్య వివాహాలపై క‌ఠిన చర్యలు కొనసాగిస్తాం: సీఎం హిమంత బిశ్వ శ‌ర్మ
సామ్నా తన తాజా సంపాదకీయంలో.. ‘‘రాష్ట్రంలో ఐదు శాసన మండలి స్థానాలకు జరిగిన ఎన్నికల ఫలితం మహారాష్ట్ర ప్రజల ఆదేశం. బీజేపీకి ఐదు సీట్లలో ఒకటి మాత్రమే వచ్చింది. బీజేపీ-షిండే కూటమి ఓడిపోయింది. ఈ ఫలితాలు ఫడ్నవీస్-షిండే ప్రభుత్వ అబద్ధానికి బ్రేకులు వేస్తాయి’’ అని ఆయన అన్నారు.
ఇటీవల ముగిసిన మహారాష్ట్ర లెజిస్లేటివ్ కౌన్సిల్ (ఎమ్మెల్సీ) ఎన్నికల్లో ఐదు స్థానాల్లో తమ ఓటును వినియోగించుకున్నందున రాష్ట్రంలోని విద్యావంతులైన ప్రజలు బీజేపీ-షిండే కూటమిని తిరస్కరించారని పార్టీ పేర్కొంది. కొంకణ్, ఔరంగాబాద్, నాగ్‌పూర్‌లోని మూడు ఉపాధ్యాయ నియోజకవర్గాలు, నాసిక్, అమరావతిలోని రెండు గ్రాడ్యుయేట్ల నియోజకవర్గాలకు జనవరి 30న ఎన్నికలు జరగగా గురువారం ఓట్ల లెక్కింపు నిర్వహించారు.
కర్ణాటక అసెంబ్లీ ఎన్నికలు: కాంగ్రెస్-బీజేపీల మధ్య మాట‌ల యుద్ధం !
ఈ ఎన్నికల ఫలితాలు మహారాష్ట్ర వికాస్ అఘాడి (ఎంవీఏ) కూటమికి సంతోషాన్నిచ్చాయి. వారు ఐదు స్థానాల్లో మూడు స్థానాలను గెలుచుకున్నారు. గత ఏడాది జూన్ లో చేతులు కలిపిన తర్వాత తొలి ఎన్నికలను ఎదుర్కొంటున్న మహారాష్ట్ర ముఖ్యమంత్రి ఏక్నాథ్ షిండే నేతృత్వంలోని భారతీయ జనతా పార్టీ- బాలాసాహెబ్ శివసేన పాలక కూటమి ఒకే ఒక్క స్థానాన్ని గెలుచుకుంది. మిగిలిన స్థానంలో స్వతంత్ర అభ్యర్థి విజయం సాధించారు.
అయితే కొంకణ్ సీటులో ఓటమి తర్వాత ఎదురుదెబ్బ తగిలిందన్న వాదనలను శివసేన తోసిపుచ్చింది. ‘‘పట్టభద్రులు-ఉపాధ్యాయులు ఇచ్చిన ఈ నిర్ణయం మహారాష్ట్ర తాజా ప్రజా తీర్పు. ఇది ఆరంభం మాత్రమే కాబట్టి బీజేపీ, షిండే ప్రభుత్వం ఇప్పుడు అనేక షాక్ లను జీర్ణించుకోవాలి’’ అని సంపాదకీయం పేర్కొంది.
ఇక వందే భారత్ రైళ్లలో స్లీపర్ బెర్తులు.. డిసెంబర్ నాటికి అందుబాటులోకి..
కాగా.. బీజేపీ-షిండే ప్రభుత్వానికి కొంకణ్ సీటు మాత్రమే రావడంతో ఈ ఫలితాలు ఎదురుదెబ్బగా భావిస్తున్నారు. కొంకణ్ టీచర్స్ లెజిస్లేటివ్ కౌన్సిల్ నియోజకవర్గం నుంచి బీజేపీ అభ్యర్థి జ్ఞానేశ్వర్ మహాత్రే ఎంవీఏ బలపరిచిన అభ్యర్థి బలరాం పాటిల్‌పై విజయం సాధించారు. దీనిపై కూడా సామ్నా కామెంట్ చేసింది. పార్టీకి 'రెడీమేడ్' అభ్యర్థి లభించడంతో విజయం సాధించిన ఘనత బీజేపీ కంటే గెలిచిన అభ్యర్థి మహత్రేకే దక్కుతుందని పేర్కొంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
