ఐదు రోజుల తేడాతో ఇద్దరిని పెళ్లాడిన సాప్ట్ వేర్ ఇంజనీర్.. విషయం తెలిసి...
ఐదు రోజుల్లో రెండు పెళ్లిళ్లు చేసుకున్న ఓ సాఫ్ట్ వేర్ ఇంజనీర్ భాగోతం ఇప్పడు మధ్యప్రదేశ్ లో చర్చనీయంశంగా మారింది. ఇండోర్ లోని ముసాఖేడి ప్రాంతానికి చెందిన 26 ఏళ్ల ఓ సాఫ్ట్‌వేర్ ఇంజనీరు డిసెంబరు 2వతేదీన ఖాండ్వా ప్రాంతంలో ఓ యువతిని వివాహం చేసుకున్నాడు. పెళ్లైన ఐదు రోజులకే అంటే డిసెంబర్ 7వతేదీన ఇండోర్ లోని మోవ్ లో మరో మహిళను పెళ్లి చేసుకున్నాడు.
ఐదు రోజుల్లో రెండు పెళ్లిళ్లు చేసుకున్న ఓ సాఫ్ట్ వేర్ ఇంజనీర్ భాగోతం ఇప్పడు మధ్యప్రదేశ్ లో చర్చనీయంశంగా మారింది. ఇండోర్ లోని ముసాఖేడి ప్రాంతానికి చెందిన 26 ఏళ్ల ఓ సాఫ్ట్‌వేర్ ఇంజనీరు డిసెంబరు 2వతేదీన ఖాండ్వా ప్రాంతంలో ఓ యువతిని వివాహం చేసుకున్నాడు. పెళ్లైన ఐదు రోజులకే అంటే డిసెంబర్ 7వతేదీన ఇండోర్ లోని మోవ్ లో మరో మహిళను పెళ్లి చేసుకున్నాడు.
మొదటి భార్య కుటుంబానికి ఈ విషయం తెలియడంతో నిందితుడి మోసంపై పోలీసులకు ఫిర్యాదు చేశారు. మోవ్ ప్రాంతంలో వివాహ విందుకు వెళ్లిన ఖండ్వా బాధితురాలి బంధువు ద్వారా ఈ పెళ్లికొడుకు బండారం బయటపడింది. అతను ఆ రెండో పెళ్లి జరుగుతున్న ఫొటోను ఫోన్ లో క్లిక్ చేసి బాధితురాలి కుటుంబానికి పంపించాడు.
దీంతో ఖండ్వాలో పెళ్లాడిన మహిళ తన భర్త రెండో పెళ్లి బాగోతంపై పోలీసులకు ఫిర్యాదు చేసింది. ఖండ్వా పెళ్లికూతురు కట్నం, ఇంటి వస్తువుల కింద రూ.10 లక్షలు ఖర్చు చేసింది. ఈ ప్రబుద్దుడు డిసెంబర్ 2న పెళ్లి తరువాత మొదటి భార్యను తన ఇంటికి తీసుకువెళ్లి, ఆ తరువాత భోపాల్ లో పని ఉందని చెప్పి వెళ్లాడు.
అలా మోవోకు వెళ్లి మరో పెళ్లి చేసుకున్నాడని పోలీసులు చెప్పారు. రెండో పెళ్లి తర్వాత నిందితుడు డిసెంబరు 7న పారిపోయాడు. అతడి మొబైల్ ఫోన్ కూడా స్విచ్ ఆఫ్ చేశాడు. పరారీలో ఉన్న నిందితుడి కోసం గాలిస్తున్నామని పోలీసులు చెప్పారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
