దిమ్మదిరిగే రేంజ్‌లో మహారాజ ఎక్స్‌ప్రెస్.. ట్రైన్ టికెట్ ధర రూ. 19 లక్షలు.. వైరల్ వీడియో ఇదే
మహారాజాస్ ఎక్స్‌ప్రెస్ వీడియో.. ట్రైన్ ప్రయాణం చీప్ అనే అభిప్రాయాన్ని పటాపంచలు చేస్తుంది. ఖరీదైన ధరకు విలాసవంతమైన సౌకర్యాలను వివరించే ఓ వీడియో ఇప్పుడు సోషల్ మీడియాలో వైరల్ అవుతున్నది. ఈ మహారాజాస్ ఎక్స్‌ప్రెస్ నాలుగు రూట్లలో సేవలు అందిస్తున్నట్టు అధికారిక వెబ్ సైట్ తెలుపుతున్నది.
న్యూఢిల్లీ: ప్రతి ఒక్కరూ ఏదో ఒక రోజు ట్రైన్‌లో ప్రయాణించే ఉంటారు. సామాన్య పౌరులకు ఇదే రథం వంటిది. చౌక ప్రయాణంతో పేదలు ఎందరో ఈ ట్రైన్‌లనే ప్రధానంగా తమ ప్రయాణాలకు ఎంచుకుంటారు. దూర ప్రయాణాలకు ఇప్పటికీ చాలా మంది రైలు ప్రయాణాలకే పెద్ద పీట వేస్తారు. ఎందుకంటే.. ఇతర ప్రయాణ సాధనాలతో పోలిస్తే చౌకైనది. అయితే, ఈ అభిప్రాయాన్ని ఓ రైల్వే వీడియో తప్పుగా తేలుస్తున్నది. అదే మహారాజాస్ ఎక్స్‌ప్రెస్ వీడియో.
ఈ వీడియోలో ఓ వ్యక్తి లోపటి అరలను, ఇతర విలాసవంతమైన సౌకర్యాలను వెల్లడించారు. పలు మార్గాల్లో ఈ మహారాజా ఎక్స్‌ప్రెస్ సేవలను అందిస్తున్నది. ఈ మహారాజ ఎక్స్‌ప్రెస్ అద్భుతమైన అనుభవాన్ని అతిథులకు అందిస్తుందని అధికారిక మహారాజాస్ ఎక్స్‌ప్రెస్ వెబ్ సైట్ వెల్లడించింది. ప్రత్యేకమైన ఈ ట్రైన్‌లో అతిథులకు ప్రత్యేక సర్వీస్ పర్సన్లు ఉంటారని వివరించింది. మన దేశంలోని ప్రముఖ పర్యాటక ప్రాంతాలకు వెళ్లే మార్గాల్లో ఈ మహారాజా ఎక్స్‌ప్రెస్ సేవలు అందిస్తున్నాయని తెలిపింది. ఈ అనుభవం తప్పకుండా ప్రయాణించినవారికి నచ్చుతుందని పేర్కొంది.
ఈ ట్రైన్ నాలుగు రూట్లలో ప్రయాణిస్తుంది. ఏడు రోజులపాటు ప్రయాణం ఉంటుంది. ది ఇండియన్ పనోరమా, ట్రెజర్స్ ఆఫ్ ఇండియా, ది ఇండియన్ స్ప్లెండర్, ది హెరిటేజ్ ఆఫ్ ఇండియాల్లో ప్రయాణించవచ్చు అని అధికారిక వెబ్ సైట్ తెలిపింది.
Also Read: వంటిల్లు తెలంగాణలో.. బెడ్రూం మహారాష్ట్రలో.. ఓ ఇంటి వింత కథ.. రెండు రాష్ట్రాల్లోనూ పన్నులు, పథకాలు...
ఈ ట్రైన్‌లోని విలాసవంతమైన సౌకర్యాలను వెల్లడించే వీడియోను.. ప్రెసిడెన్షియల్ సూట్‌ను వివరిస్తూ ఓ వీడియోను కుషాగ్రా అనే ఇన్‌స్టా యూజర్ పోరస్టు చేశాడు. ఈ వీడియో మొదట్లో ఓ వ్యక్తి మహారాజ ఎక్స్‌ప్రెస్ సూట్ రూడ్ డోర్ తెరుస్తారు. అనంతరం, ఆ సూట్ మొత్తం టూర్ వేస్తారు. ఇందులో ప్రయాణించడానికి రూ. 19 లక్షలకు మించే ఖర్చు అవుతుందని ఆ బ్లాగర్ వివరించాడు.
నవంబర్ 10వ తేదీన పోస్టు చేసిన ఈ వీడియోకు 30 లక్షల వ్యూస్ వచ్చాయి. ఈ వీడియోపై యూజర్లు భిన్నమైన కామెంట్లు చేశారు. ఈ ధరకు తాను ప్రాపర్టీ కొనుక్కుంటానని ఒకరు కామెంట్ చేశారు. ఈ అమౌంట్‌లో నేను న్యూయార్క్ సిటీ లేదా ఇతర ఏ దేశాన్ని అయినా సందర్శించి తిరిగి రాగలను అని, అయినా, ఇంకా డబ్బు మిగులుతుందని పేర్కొన్నారు. మరొకరు వ్యంగ్యంగా ఇది చాలా చీప్. ఎప్పుడూ ఒకే దగ్గర ఉండే ల్యాండ్ కొనుగోలు చేయడానికి బదులు ఇలా కదిలే 1 బీహెచ్‌కే కొనుగోలు చేయడం బెస్ట్ అంటూ పేర్కొన్నాడు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
