2030 నాటికి 1 ట్రిలియన్ డాలర్లకు పెరగ‌నున్న భారత ఇంటర్నెట్ ఎకానమీ.. : రిపోర్ట్స్
New Delhi: 2022లో 17,500 కోట్ల డాలర్లుగా ఉన్న భారత ఇంటర్నెట్ ఎకానమీ 2030 నాటికి 1 ట్రిలియన్ డాలర్లకు చేరుకుంటుందని తాజా నివేదిక అంచనా వేసింది. అలాగే, భారతదేశ సాంకేతిక రంగానికి ఇంటర్నెట్ ఆర్థిక వ్యవస్థ సహకారం 2030 నాటికి 48 శాతం నుండి 62 శాతానికి పెరుగుతుందని కూడా పేర్కొంది. భారతదేశ జీడీపీలో దాని వాటా 4-5 శాతం నుండి దాదాపు 12-13 శాతానికి పెరుగుతుందని తెలిపింది.
FollowIndia's Internet economy: 2022లో 17,500 కోట్ల డాలర్లుగా ఉన్న భారత ఇంటర్నెట్ ఎకానమీ 2030 నాటికి 1 ట్రిలియన్ డాలర్లకు చేరుకుంటుందని తాజా నివేదిక అంచనా వేసింది. అలాగే, భారతదేశ సాంకేతిక రంగానికి ఇంటర్నెట్ ఆర్థిక వ్యవస్థ సహకారం 2030 నాటికి 48 శాతం నుండి 62 శాతానికి పెరుగుతుందని కూడా పేర్కొంది. భారతదేశ జీడీపీలో దాని వాటా 4-5 శాతం నుండి దాదాపు 12-13 శాతానికి పెరుగుతుందని తెలిపింది.
వివ‌రాల్లోకెళ్తే.. గూగుల్, టెమాసెక్, బెయిన్ అండ్ కంపెనీ విడుదల చేసిన 'ది ఇ-కోనమీ ఆఫ్ ఎ బిలియన్ కనెక్టెడ్ ఇండియన్స్' అనే శీర్షికతో విడుదల చేసిన నివేదిక ప్రకారం, టైర్ 2+ ప్రదేశాలలో ఇంటర్నెట్ వినియోగదారుల మధ్య డిజిటల్-అన్వేషణ ప్రవర్తనలు, పెద్ద, సాంప్రదాయ వ్యాపారాల డిజిటలైజేషన్ తో పాటు పెరుగుతున్న స్టార్టప్ ఎకోసిస్టమ్, భారతదేశ స్వ‌దేశీ డిజిటల్ పబ్లిక్ గూడ్స్ లేదా 'ఇండియా స్టాక్' విజయం, ఇంటర్నెట్ ఎకానమీని వేగవంతం చేసింది. వినియోగదారుల డిజిటల్ అడాప్షన్, వ్యాపారాల ద్వారా సాంకేతిక పెట్టుబడులు, ఇండియా స్టాక్ తో డిజిటల్ ప్రజాస్వామ్యీకరణ అనే మూడు పునాది శక్తులు భారతదేశాన్ని దాని డిజిటల్ పరివర్తనలో ఒక మలుపుకు తీసుకువ‌చ్చాయ‌నీ గూగుల్ ఇండియా కంట్రీ హెడ్, వైస్ ప్రెసిడెంట్ సంజయ్ గుప్తా అన్నారు.
2030 నాటికి భారత సాంకేతిక రంగంలో ఇంటర్నెట్ ఎకానమీ వాటా 48 శాతం నుంచి 62 శాతానికి పెరుగుతుందనీ, భారత జీడీపీలో దాని వాటా 4-5 శాతం నుంచి దాదాపు 12-13 శాతానికి పెరుగుతుందని నివేదిక తెలిపింది. 2030 నాటికి 10 కీలక వినియోగదారుల రంగాలలో బి2సి ఇ-కామర్స్ డిజిటల్ సేవలలో ప్రధాన వాటాను కొనసాగిస్తుందనీ, 2030 నాటికి 5-6 రెట్లు పెరిగి 350-380 బిలియన్ డాలర్లకు చేరుకుంటుందని నివేదిక అంచనా వేసింది. "భారతదేశ ఇంటర్నెట్ ఆర్థిక వ్యవస్థ గణనీయమైన సామర్థ్యాన్ని కలిగి ఉంది. వచ్చే దశాబ్దంలో 6 రెట్లు వృద్ధి చెందుతుందని భావిస్తున్నారు. బీ2పీ ఇ-కామర్స్ డిజిటల్ జిఎంవిలో 40 శాతం నడిపిస్తుంది. త‌ర్వాత బీ2బీ సెక్టార్లు, సాస్ ఉన్నాయని" బెయిన్ అండ్ కంపెనీ (ఇండియా) మేనేజింగ్ పార్టనర్ పారిజాత్ ఘోష్ అన్నారు.
2030 నాటికి భారతదేశంలో ఆన్లైన్ షాపర్ల సంఖ్య రెట్టింపు అవుతుందని భావిస్తున్నారు. కొత్త షాపర్లలో 60 శాతానికి పైగా ప్రస్తుతం చిన్న పట్టణాలలో నివసిస్తున్నారు. డిజిటల్ ప్లాట్ఫామ్ ల డైరెక్ట్-టు-కస్టమర్స్ (డీ2సీ) ఆఫర్లు, ప్రాప్యత ఫీచర్లకు ఎక్కువగా ఆకర్షితులవుతున్నారు. అంతేకాక, ఆన్లైన్ చెల్లింపులు, రుణాలు-పెట్టుబడులు ఇంటర్నెట్ ఆర్థిక వ్యవస్థకు మూలస్తంభంగా ఉంటాయనీ, టైర్ 2 + వినియోగదారులు-ఎంఎస్ఎంఈల క్రెడిట్, మూలధన అవసరాలను తీర్చగలవని నివేదిక పేర్కొంది. ఎందుకంటే డిజిటల్ ఆర్థిక సేవలలో పెట్టుబడులు, స్వీక‌ర‌ణ‌లు, ఆవిష్కరణ అంశాల‌కు బ‌లమైన పునాది ఉంది. భారతదేశంలోని 700 మిలియన్ల ఇంటర్నెట్ వినియోగదారులు రియల్ టైమ్ డిజిటల్ చెల్లింపుల ద్వారా ఎక్కువ లావాదేవీలు జరుపుతున్నారు. ప్రపంచ సగటుల కంటే ఆన్లైన్ వీడియో స్ట్రీమింగ్ సేవలు, సోషల్ మీడియాలో ఎక్కువ సమయం గడుపుతున్నారు. 2030 నాటికి వినియోగదారుల గృహ ఆదాయాలు రెట్టింపు కావడం, 2,500 డాలర్ల నుంచి 5,500 డాలర్లకు పెరగడంపై ఈ విస్తరణ ఆధారపడి ఉంటుందని నివేదిక పేర్కొంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
