‘‘ నేనే ఏఐఏడీఎంకే ప్రధాన కార్యదర్శిని.. పార్టీని ముందుకు తీసుకెళ్తా ’’- వీకే శశికళ
ఏఐఏడీఎంకే పార్టీని జయలలిత, ఎంజీఆర్ బాటలో ముందుకు తీసుకెళ్లాలని భావిస్తున్నట్టు ఆ పార్టీ మాజీ నాయకురాలు వీకే శశికళ అన్నారు. తానే పార్టీకి జనరల్ సెక్రటరీని అని స్పష్టం చేశారు.
తానే అన్నాడీఎంకే (AIADMK) ప్రధాన కార్యదర్శిని అని ఆ పార్టీ మాజీ నాయకురాలు అన్నారు. ఎంజీఆర్, అమ్మ త‌ర‌హాలోనే పార్టీని ముందుకు తీసుకెళ్లాలని భావిస్తున్నట్టు త‌న కోరిక‌ను వెల్ల‌డించారు. మాజీ సీఎం ఎడప్పాడి కె పళనిస్వామిను పార్టీ మద్దతుదారులు అన్నాడీఎంకే తాత్కాలిక ప్రధాన కార్యదర్శిగా ఎన్నుకోవడానికి ఇటీవల నిర్వహించిన సమావేశాన్ని కూడా ఆమె తోసిపుచ్చారు. ఈ మేరకు ఆమె మీడియాతో మాట్లాడారు.
దేశంలోనే తొలిసారి.. ఫైటర్ జెట్ కలిసి నడిపిన తండ్రీ కూతుళ్లు..
‘‘ నేను ఏఐఏడీఎంకే ప్రధాన కార్యదర్శిని. సమయం వచ్చినప్పుడు పార్టీ ప్రధాన కార్యాలయానికి వెళ్తాను. మా నాయకురాలు (ఎంజీఆర్), అమ్మ (జయలలిత) పార్టీని ముందుకు తీసుకువెళ్లిన విధంగా పార్టీని ముందుకు తీసుకెళ్లాలన్నది నా కోరిక. మా కార్యకర్తలకు ఇది బాగా తెలుసు ’’ అని ఆమె అన్నారు. పళనిస్వామికి సంబంధించి జూన్ 11న జరిగిన సమావేశాన్ని కూడా ఆయన తోసిపుచ్చారు, ఇప్పుడు జరుగుతున్నది ‘‘సాధారణ మండలి కాదు’’ అని ఆమె పేర్కొన్నారు.
heavy rain: దేశ రాజ‌ధానిలో భారీ వ‌ర్షాలు.. ఆరెంజ్ అల‌ర్ట్ జారీ
మంచి నాయకురాలిగా ఉండటానికి అవసరమైన లక్షణాలపై కూడా శ‌శిక‌ల మాట్లాడారు. తమిళనాడు ప్రజలకు మంచి పనులు చేయగల వ్యక్తి నాయకత్వం వహించాలి. అంతే కాదు ఆయన నిజాయితీగా ఉండాలి. ఆ వ్యక్తి గతంలో, వ‌ర్త‌మానంలో వేర్వేరు విషయాలు మాట్లాడకూడదు ’’ అని ఆమె అన్నారు. పార్టీకి ఒకే నాయకుడు అవసరమా లేదా అని అడిగినప్పుడు.. ఆ విష‌యాన్ని పార్టీ కార్యకర్తలే నిర్ణయిస్తారని ఆమె చెప్పారు. ‘‘ దాని కార్యకర్తలే అంతిమ తీర్పు కావాలని నేను పదేపదే చెబుతున్నాను. నేను కూడా కోరుకునేది అదే ’’ అని ఆమె నొక్కి చెప్పారు.
ఒకప్పుడు పార్టీ అధినేత్రి, సీఎం జయలలితకు శశికళ సహాయకురాలిగా ఉన్నారు. అయితే ఆమె చ‌నిపోయిన త‌రువాత అన్నాడీఎంకే సెక్రటరీ జనరల్ గా శశికళ ఎన్నికయ్యారు. ఆదాయానికి మించిన ఆస్తుల కేసులో దోషిగా తేలిన ఆమె.. జైలుకు వెళ్లే ముందు పళనిస్వామిని తమిళనాడు సీఎంగా నియమించారు. కానీ త‌ద‌నంత‌రం జరిగిన ప‌రిణామాల వ‌ల్ల ప‌ళ‌నిస్వామి, ఇత‌ర మంత్రులు కలిసి ఆమెను 2017లో పార్టీ నుంచి బహిష్కరించారు. ఆమెను పార్టీ ప్రధాన కార్యదర్శిగా తొలగిస్తూ ఈ ఏడాది ఏప్రిల్లో ఏఐఏడీఎంకే పార్టీ చేసిన తీర్మానాన్ని నగర న్యాయస్థానం సమర్థించింది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
