క్రౌడ్ ఫండింగ్ (ప్రజలు సేకరించిన నిధులు) దుర్వినియోగానికి సంబంధించి తృణమూల్ కాంగ్రెస్ అధికార ప్రతినిధి సాకేత్ గోఖలేను గుజరాత్ పోలీసులు గురువారం అర్థరాత్రి ఢిల్లీ నుండి అరెస్టు చేశారు. గోఖలేను అహ్మదాబాద్ సైబర్ క్రైమ్ బ్రాంచ్ అరెస్టు చేసింది .

టీఎంసీ నేత సాకేత్ గోఖలేను గుజరాత్ పోలీసులు మరోసారి అరెస్ట్ చేశారు. ప్రజలు క్రౌడ్ ఫండింగ్ దుర్వినియోగం చేశారనే ఆరోపణలపై గుజరాత్ పోలీసులు తృణమూల్ కాంగ్రెస్ అధికార ప్రతినిధి సాకేత్ గోఖలేను ఢిల్లీలో గురువారం అర్థరాత్రి అరెస్టు చేశారు. గోఖలేను అహ్మదాబాద్ సైబర్ క్రైమ్ బ్రాంచ్ అరెస్టు చేసింది. చట్టపరమైన ప్రక్రియ కోసం అతన్ని ఇక్కడికి తీసుకువస్తున్నట్లు సీనియర్ పోలీసు అధికారి ఇక్కడ తెలిపారు. శుక్రవారం మధ్యాహ్నానికి ఆయన ఇక్కడికి చేరుకుంటారు. 

నెల వ్యవధిలో మూడోసారి అరెస్టు

గోఖలేను గుజరాత్ పోలీసులు ఈ నెలలో మూడోసారి అరెస్టు చేశారు. రాజస్థాన్ పోలీసులు అతన్ని అరెస్టు చేసి.. డిసెంబర్ 5న జైపూర్‌లో గుజరాత్ పోలీసులకు గోఖలే ను అప్పగించారు. అహ్మదాబాద్‌కు తీసుకువచ్చిన తరువాత.. అతన్ని అధికారికంగా అరెస్టు చేసి, డిసెంబర్ 8 వరకు పోలీసు కస్టడీకి పంపారు. మోదీ మోర్బీ పర్యటనపై రాజకీయ ప్రయోజనాల కోసం గోఖలే తప్పుడు వార్తలను ట్వీట్ చేశారని గుజరాత్ పోలీసులు ఆరోపించారు. కానీ.. గోఖలేకు డిసెంబరు 8న అహ్మదాబాద్ కోర్టు బెయిల్ మంజూరు చేసింది. ఇదిలా ఉంటే.. మోర్బీ జిల్లాలో దాఖలైన మరో కేసులో త్వరలో మళ్లీ అరెస్టు చేయబడ్డాడు. మోడీపై తప్పుడు వార్తలను ప్రచారం చేయడంతో పాటు, ఎన్నికల సమయంలో వర్గ శత్రుత్వాన్ని ప్రోత్సహిస్తున్నారని మోర్బీ పోలీసులు గోఖలేపై ఆరోపణలు చేశారు. ఈ కేసులో డిసెంబరు 9న గోఖలే బెయిల్ పొందారు.

 మానవ హక్కుల కమిషన్‌కు గోఖలే ఫిర్యాదు 

మొదటి కేసులో తనను గుజరాత్ పోలీసులు నిర్బంధించడం చట్ట విరుద్ధమని ఆరోపిస్తూ తృణమూల్ కాంగ్రెస్ అధికార ప్రతినిధి గోఖలే జాతీయ మానవ హక్కుల కమిషన్‌కు ఫిర్యాదు చేశారు. తనను గుజరాత్‌కు తీసుకెళ్లే ముందు పోలీసులు స్థానిక మేజిస్ట్రేట్ నుండి ట్రాన్సిట్ రిమాండ్ పొందనందున జైపూర్ విమానాశ్రయంలో తనను నిర్బంధించడం క్రిమినల్ ప్రొసీజర్ కోడ్ సెక్షన్ 167ను ఉల్లంఘించడమేననీ గోఖలే తన ఫిర్యాదులో ఆరోపించారు. తృణమూల్ కాంగ్రెస్ నాయకుడు తనను కోర్టులో హాజరుపరిచే ముందు 28 గంటల పాటు గుజరాత్ పోలీసుల కస్టడీలో ఉంచారని కూడా పేర్కొన్నారు. ఇది CrPC సెక్షన్ 167ని కూడా ఉల్లంఘిస్తుందని గోఖలే ఆరోపించారు, చట్టం ప్రకారం అదుపులోకి తీసుకున్న వ్యక్తిని అదుపులోకి తీసుకున్న 24 గంటల్లోగా కోర్టు ముందు హాజరుపరచాలి.

ట్వీట్ చేస్తూ బీజేపీపై తీవ్ర ఆరోపణలు

గురువారం మరో ట్వీట్‌లో, గోఖలే ఇలా రాశారు, "చట్టాన్ని మంటగలుపడం, అర్ధరాత్రి ప్రజలను టెర్రరిస్టుల తరహాలో అక్రమ నిర్బంధంలోకి తీసుకెళ్లడం బిజెపికి ముఖ్య లక్షణంగా మారింది. నేను చెప్పినట్లు - నేను పోరాడతాను. గతంలో కంటే బలంగా పోరాడతాను." అని పేర్కొన్నారు.