నాథూరామ్ గాడ్సే దేశభక్తుడు:ప్రజ్ఞాసింగ్
మహాత్మాగాంధీని హత్య చేసిన నాథూరామ్ గాడ్సే ఓ దేశభక్తుడని బీజేపీ నేత ప్రజ్ఞాసింగ్ చెప్పారు.
న్యూఢిల్లీ: మహాత్మాగాంధీని హత్య చేసిన నాథూరామ్ గాడ్సే ఓ దేశభక్తుడని బీజేపీ నేత ప్రజ్ఞాసింగ్ చెప్పారు.
తమిళనాడులో ఎంఎన్ఎం చీఫ్, సినీ నటుడు కమల్‌హసన్ నాథూరామ్ గాడ్సేపై చేసిన వివాదాస్పద వ్యాఖ్యలపై ఆమె స్పందించారు.నాథూరామ్ గాడ్సే దేశ భక్తుడంటూ ఆమె స్పష్టం చేశారు. నాథూరామ్ గాడ్సేను టెర్రరిస్టుగా చూస్తున్న పార్టీలకు ప్రజలు ఈ ఎన్నికల్లో ప్రజలు తగిన బుద్ది చెబుతారని ఆమె అభిప్రాయపడ్డారు.
మాలేగావ్ పేలుళ్ల కేసులో ప్రజ్ఞాసింగ్ ఏ1 గా ఉన్నారు. ఈ పేలుళ్లలో ఆరుగురు చనిపోతే 100 మందికి పైగా గాయపడ్డారు. భోపాల్ ఎంపీ స్థానం నుండి ప్రజ్ఞాసింగ్ బీజేపీ అభ్యర్ధిగా పోటీ చేస్తున్నారు. ఈ స్థానంలో కాంగ్రెస్ అభ్యర్ధిగా మధ్యప్రదేశ్ మాజీ సీఎం దిగ్విజయ్ సింగ్ పోటీ చేస్తున్నారు.
ఈ ఎన్నికల ప్రచారంలో భాగంగానే ప్రజ్ఞాసింగ్ టెర్రరిస్టుల చేతిలో మృతి చెందిన ఐపీఎస్ అధికారి హేమంత్ కర్కరే తన శాపం వల్లే మృతి చెందారని ఆమె వివాదాస్పద వ్యాఖ్యలు చేశారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
