Asianet News TeluguAsianet News Telugu

నలుగురు కూతుళ్లపై తండ్రి అత్యాచారం: అరెస్టు

కన్ను మిన్ను కానక ఓ వ్యక్తి తన నలుగురు కూతుళ్లపై అఘాయిత్యానికి పాల్పడ్డాడు. నలుగురు కూతుళ్లపై తండ్రి అత్యాచారం చేసిన సంఘటన కేరళలోని వాలంచేరీలో కలకలం సృష్టించింది. నిందితుడిని పోలీసులు అరెస్టు చేశారు.

Father arrested for raping four minor daughters in Kerala
Author
Kochi, First Published Jan 19, 2020, 10:47 AM IST
  • Facebook
  • Twitter
  • Whatsapp

కొచ్చి: కంటికి రెప్పలా కాపాడాల్సిన తండ్రే కన్నకూతుళ్లపై తల దించుకునేలా వ్యవహరించాడు. ఒక్కరు కాదు, ఇద్దరు కాదు నలుగురు కూతుళ్లపై ఓ తండ్రి అత్యాచారం చేశాడు. బాలికలంతా మైనర్లే. చివరకు అతను కటకటాల పాలయ్యాడు.

కూతుళ్లపై తండ్రి అఘాయిత్యానికి పాల్పడిన ఘటన స్థానికంగా కలకలం సృష్టించింది. 47 ఏళ్ల ఓ వ్యక్తి కేరళలోని వాంచేరీలో తన కుటుంబ సభ్యులతో కలిసి ఉంటున్నాడు. అతనికి 17, 15, 13, 10 ఏళ్ల వయస్సు గల నలుగురు కూతుళ్లు ఉన్నారు.

Also Read: కూతురిపై తండ్రి అత్యాచారం: గొలుసులతో కట్టేసి మరీ, అఘాయిత్యం

కూలీ పనులు చేసుకుంటూ ఉన్న ఆ వ్యక్తి మద్యానికి బానిసయ్యాడు. కన్న కూతుళ్లు అనే విషయం కూడా విస్మరించి కళ్లు మూసుకుపోయి వారిపై లైంగికదాడికి పాల్పడ్డాడు. జరిగిన విషయాన్ని చిన్న కూతురు పాఠశాలలోని ఉపాధ్యాయురాలికి చెప్పడంతో విషయం వెలుగులోకి వచ్చింది.

Also Read: కూతురిపై తండ్రి అత్యాచారం...మూడేళ్లుగా సాగుతున్నా తల్లి మౌనం

దాంతో నలుగురు బాలికలను వైద్య పరీక్షలకు పంపించారు. వారు లైంగిక దాడికి గురైనట్లు వైద్య పరీక్షల్లో తేలింది. దాంతో వారిని మెజిస్ట్రేట్ ముందు హాజరు పరిచారు. మెజిస్ట్రేట్ వారి వాంగ్మూలాలను నమోదు చేసుకున్నారు. ఆ తర్వాత పాఠశాల అధికారులు పోలీసులకు సమాచారం అందించారు. దాంతో నిందితుడిని పోలీసులు అరెస్టు చేశారు.

Also Read: ఐదేళ్ల కూతురిపై తండ్రి అత్యాచారం

Follow Us:
Download App:
  • android
  • ios