Fake Marriage: సామూహిక వివాహాల్లో స్కామ్.. 200 మంది ఫేక్ పెళ్లి
యూపీ ప్రభుత్వం నిర్వహించిన సామూహిక వివాహాల్లో స్కామ్ జరిగింది. ఈ స్కీం కింద ప్రయోజనాలకు ఆశపడి చాలా మంది పెళ్లి చేసుకున్నవారే దరఖాస్తు చేసుకుని మళ్లీ పెళ్లి చేసుకున్నారు. పలువురు వధువులు వరుడు లేకుండా తమకు తామే వరమాల వేసుకున్న వీడియోలు బయటకు వచ్చాయి.
 )
FollowUttar Pradesh: ఉత్తరప్రదేశ్ ప్రభుత్వం సామూహిక వివాహాలు చేపట్టింది. జనవరి 25వ తేదీన నిర్వహించిన సామూహిక వివాహాల్లో ఓ స్కామ్ బయటపడింది. అందులో కొందరు ఫేక్ పెళ్లి చేసుకున్నారని తేలింది. సుమారు 200 మంది ఈ స్కామ్‌లో ఉన్నట్టు తెలిసింది. సామూహిక కార్యక్రమాలకు చెందిన ఓ వీడియో వైరల్ అవుతున్నది. అందులో పలువురు ‘వధువులు’ తమకు తాము వరమాల వేసుకుంటున్నారు. వారికి ‘వరుడు’ లేరు. వారే పూలమాల వేసుకుంటున్నారు.
అధికారుల ప్రకారం ఆ సామూహిక వివాహ కార్యక్రమంలో 568 జంటలు పెళ్లి చేసుకుననారు. కానీ, దర్యాప్తులో సంచలన విషయం వెల్లడైంది. సుమారు 200 జంటలు కేవలం పెళ్లి కొడుకు, పెళ్లి కూతురుగా నటించడానికి వచ్చారని, వారికి రూ. 2,000 చొప్పున అందిస్తామనే హామీ అందినట్టు తేలింది.
ఈ సామూహిక వివాహ కార్యక్రమంలో పాల్గొన్న 19 ఏళ్ల ఓ యువకుడు మాట్లాడుతూ.. సామూహిక కార్యక్రమానికి తాను హాజరైతే రూ. 2000 ఇస్తామని చెప్పారని, కానీ, తాను వెళ్లినా.. ఆ డబ్బులు ఇవ్వలేదని ఇండియా టుడే టీవీకి చెప్పాడు.
Also Read: Jharkhand: హైదరాబాద్ నుంచి రాంచీకి జార్ఖండ్ ఎమ్మెల్యేలు.. బలప్రదర్శనలో మాజీ సీఎం హేమంత్!
సీఎం మాస్ మ్యారేజ్ స్కీమ్‌లో 25వ తేదీన జరిగిన కార్యక్రమంలో అందరూ అర్హులు కాదని దర్యాప్తు కమిటీ తేల్చింది. ఈ స్కీమ్ కింద ప్రయోజనాలు పొందడానికి కొందరు అక్రమంగా నడుచుకున్నారని, వాస్తవాలను దాచి పెట్టారని ఈ కమిటీ రిపోర్ట్ వెల్లడించింది. అయితే, అధికారులు నిర్లక్ష్యంగా వారి దరఖాస్తులు స్వీకరించడంతో ఫ్రాడ్ జరిగిందని పేర్కొంది. చాలా మంది అప్పటికే పెళ్లి చేసుకున్నవారని తెలిపింది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
