వివాహేతర సంబంధాల వల్ల కలిగిన పిల్లలకూ.. ఆస్తిలో వాటా - సుప్రీంకోర్టు కీలక తీర్పు..
వివాహేతర సంబంధాల వల్ల కలిగిన సంతానానికి అతడి తల్లిదండ్రుల ఆస్తిలో వాటా ఉంటుందని సుప్రీంకోర్టు పేర్కొంది. అలాంటి సంబంధాల ద్వారా పుట్టిన పిల్లలు చట్టబద్ధమైన వారసులే ధర్మాసనం తెలిపింది.
Followవివాహేతర సంబంధాల వల్ల కలిగిన పిల్లలు చట్టబద్ధమైన వారసులే అని సుప్రీంకోర్టు తెలిపింది. తల్లిదండ్రుల పూర్వీకుల ఆస్తిలో ఈ పిల్లలకూ వాటా ఉంటుందని స్పష్టం చేసింది. చెల్లుబాటు కానీ, రద్దు చేసే అవకాశం ఉన్న వివాహం ద్వారా జన్మించిన పిల్లలకు హిందూ చట్టాల ప్రకారం తల్లిదండ్రుల పూర్వీకల ఆస్తిలో వాటా ఉంటుందా లేదా అనే అంశంపై సుప్రీంకోర్టులో పిటిషన్లు దాఖలు అయ్యాయి. దీనిపై కోర్టు తీర్పు చెబుతూ ఈ వ్యాఖ్యలు చేసింది. అలాంటి సంతానం కూడా చట్టబద్ధమైన వారుసులే అవుతారని సుప్రీంకోర్టు పేర్కొంది.
బాలికపై యువకుడి అత్యాచారం.. ఈ విషయం అందరికీ చెబుతానంటూ అతడి స్నేహితుడు కూడా..
‘‘అలాంటి సంబంధంలో బిడ్డ పుట్టడాన్ని తల్లిదండ్రుల సంబంధంతో సంబంధం లేకుండా స్వతంత్రంగా చూడాలి. అటువంటి సంబంధంలో జన్మించిన పిల్లవాడు అమాయకుడు. చెల్లుబాటు అయ్యే వివాహంలో జన్మించిన ఇతర పిల్లలకు ఇవ్వబడే అన్ని హక్కులకు అర్హుడు. సెక్షన్ 16(3)లోని సవరణ సారాంశం ఇదే’’ అని జస్టిస్ జీఎస్ సింఘ్వీ, జస్టిస్ ఏకే గంగూలీలతో కూడిన డివిజన్ బెంచ్ 2011లో రేవనసిదప్ప వర్సెస్ మల్లికార్జున్ కేసులో ఇచ్చిన తీర్పులో పేర్కొంది.
మనీలాండరింగ్ కేసులో జెట్ ఎయిర్‌వేస్ వ్యవస్థాపకుడు నరేష్ గోయల్ అరెస్టు
అలాంటి పిల్లలు తమ తల్లిదండ్రులకు చెందిన ఏదైనా ఆస్తిపై హక్కు కలిగి ఉంటారని డివిజన్ బెంచ్ పేర్కొంది. అయితే పిల్లల క్లెయిమ్ లు వారి తల్లిదండ్రుల ఆస్తికి మాత్రమే పరిమితమని, ఇతర సంబంధాలు ఉండవని సుప్రీంకోర్టు స్పష్టం చేసింది. ‘‘మనతో సహా ప్రతీ సమాజంలో చట్టబద్ధత సామాజిక నిబంధనలు మారుతున్నందున, గతంలో చట్టవిరుద్ధమైనవి నేడు చట్టబద్ధంగా ఉండవచ్చు. చట్టబద్ధత భావన సామాజిక ఏకాభిప్రాయం నుండి ఉద్భవించింది, దీనిని రూపొందించడంలో వివిధ సామాజిక సమూహాలు కీలక పాత్ర పోషిస్తాయి’’ అని 2011 తీర్పు రాసిన జస్టిస్ గంగూలీ పేర్కొన్నారు.
హింసాత్మకంగా మారిన మరాఠా రిజర్వేషన్ల నిర‌స‌న.. లాఠీచార్జి, బాష్పవాయువు షెల్స్ ప్ర‌యోగించిన పోలీసులు
ఈ రిఫరెన్స్ పై విచారణ సందర్భంగా, చెల్లని వివాహాల నుండి వచ్చిన పిల్లలు వారి తల్లిదండ్రుల స్వీయ-స్వాధీన లేదా పూర్వీకుల ఆస్తిపై హక్కులు కలిగి ఉన్నారని డివిజన్ బెంచ్ కనుగొన్న అంశాలతో ప్రధాన న్యాయమూర్తి చంద్రచూడ్ ఏకీభవించారు. ‘‘మరణానికి ముందు విభజన జరిగి ఉంటే అతనికి కేటాయించే ఆస్తిలో మృతుడి వాటా నిర్ధారణ అయినప్పుడు, చట్టబద్ధత పొందిన పిల్లలతో సహా అతని వారసులు, విభజన సమయంలో మరణించిన వ్యక్తికి కేటాయించే ఆస్తిలో వారి వాటాలకు అర్హులు.’’ అని చీఫ్ జస్టిస్ అన్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
