అయోధ్యలో ఆరు టెంట్ సిటీలు.. రామ్ మందిర్ ప్రారంభోత్సవానికి వచ్చే అతిథులకు ప్రత్యేక సదుపాయాలు...
రామ్ లల్లా దీక్షా కార్యక్రమానికి అయోధ్యకు వచ్చే అతిథుల కోసం శ్రీ రామ జన్మభూమి తీర్థ క్షేత్ర ట్రస్ట్, పరిపాలన చేసిన వసతి ఏర్పాట్లు అద్భుతంగా ఉన్నాయి.
 )
Followఅయోధ్య : అయోధ్యలో బాలరాముడి ప్రాణప్రతిష్ట కోసం జనవరి 22న జరగనుంది. దీనికోసం శ్రీ రామ జన్మభూమి తీర్థ క్షేత్ర ట్రస్ట్ 4000 మంది సాధువులతో సహా 7000 మందికి ఆహ్వానాలు పంపించింది. వీరతోపాటు లక్షలాది మంది భక్తులు తరలివస్తారు. వీరందరికోసం రామనగరికి వచ్చే అతిథులు ఎక్కడ బస చేస్తారు? అయోధ్యలో అన్ని సౌకర్యాలు ఉన్నాయా? అక్కడ ఎలా ఉండాలి? ఇలాంటి సందేహాల కోసమే అయోధ్యలో ఏషియానెట్ న్యూస్ హిందీ గ్రౌండ్ రిపోర్ట్ చేసింది.
శ్రీరామ జన్మభూమి తీర్థ క్షేత్ర ట్రస్ట్ తరపున రామమందిర ప్రాణ ప్రతిష్ఠా వేడుకలకు వచ్చేవారి కోసం కరసేవకపురం, మణిరామ్ దాస్ కంటోన్మెంట్, బాగ్ బిజేసీలాంటి 3 ప్రదేశాలలో బస ఏర్పాట్లు చేసినట్లు తెలిపారు. మరోవైపు, బ్రహ్మకుండ్ గురుద్వారా, సరయూ బీచ్, గుప్తర్ ఘాట్ లాంటి మరో మూడు ప్రదేశాలలో స్థానిక పరిపాలన ద్వారా డేరా నగరాలను కూడా నిర్మిస్తున్నారు. దీనికి సంబంధించి మునిసిపల్ కమీషనర్ విశాల్ సింగ్ మాట్లాడుతూ, రాంలల్లా ప్రాణప్రతిష్టను దృష్టిలో ఉంచుకుని, బ్రహ్మకుండ్ గురుద్వారా సమీపంలో టెంట్ సిటీని నిర్మించామని తెలిపారు.
అయోధ్య రామయ్య హారతిలో పాల్గొనే అరుదైన అవకాశం... ఇలా పొందండి
టెంట్ సిటీ ఎలా ఉందంటే..
రామాలయానికి 600 మీటర్ల దూరంలో ఉన్న బ్రహ్మకుండ్ గురుద్వారా సమీపంలో నిర్మించిన టెంట్ సిటీలోకి ప్రవేశించిన వెంటనే, శ్రీరాముని చరణ్ పాదుక, అద్భుతమైన లైటింగ్ దృష్టిని ఆకర్షిస్తుంది. టెంట్ సిటీని తయారు చేస్తున్న గుజరాత్ కు చెందిన ప్రవేగ్ కంపెనీ ఉద్యోగి నితిన్ యాదవ్ మాట్లాడుతూ.. డేరా నగరంలో సాంస్కృతిక చిహ్నాలకు ప్రాధాన్యతనిచ్చామన్నారు. ప్రవేశ ద్వారం నుండి గుడారాలతో నిర్మించిన విలాసవంతమైన గదుల వరకు, అయోధ్యలో సాంస్కృతిక సంగ్రహావలోకనం కనిపిస్తుంది. కాంప్లెక్స్‌లోని పచ్చటి పచ్చిక బయళ్లకు ఇరువైపులా వరుసలుగా మొత్తం 30 విలాసవంతమైన గదులు నిర్మించబడ్డాయి. ఏసీ నుంచి గీజర్ వరకు అన్ని ఆధునిక సౌకర్యాలు ఇందులో ఉన్నాయి. ప్రతి గదికి ఆనుకొని స్నానపు గదులు, మరుగుదొడ్లు ఉన్నాయి. లాన్‌లో కూర్చునే ఏర్పాట్లు కూడా చేశారు.
దీని విశేషాలేంటంటే...
ఈ టెంట్ సిటీ దాదాపు 8000 చదరపు మీటర్లలో విస్తరించి ఉందని నితిన్ చెప్పారు. భూమిని 10 ఏళ్ల పాటు లీజుకు తీసుకున్నారు. ఈ డేరా నగరం శ్రీరామ మందిర ప్రాణ్ ప్రతిష్ఠా కార్యక్రమం తర్వాత కూడా అలాగే ఉంటుంది. ఒక్కో టెంట్‌లో ఇద్దరు వ్యక్తులకు వసతి సౌకర్యం ఉంది. అయితే అవసరమైతే ముగ్గురిని కూడా ఉంచొచ్చు. ఇందులో డైనింగ్ హాల్ ఉంది. ఇక్కడ బస చేసే వారికి హోటల్ లాంటి సౌకర్యాలు ఉంటాయి.
సరయూ తీరం ఒడ్డున 35 గదులతో టెంట్ సిటీ
సరయూ తీరం ఒడ్డున రామకథా మ్యూజియం వెనుక కూడా ఓ టెంట్ సిటీ నిర్మిస్తున్నట్లు ఆయన చెప్పారు. ఇందులో 35 విలాసవంతమైన గదులు, హోటల్ వంటి సౌకర్యాలు కూడా ఉంటాయి. ఈ డేరా నగరంలో కేవలం వీవీఐపీలు మాత్రమే ఉంటారా లేక సామాన్య భక్తులు కూడా బస చేస్తారా? అనేది క్లారిటీ లేదు. డిసెంబర్ 15 నుంచి ఆన్‌లైన్ బుకింగ్ ప్రారంభిస్తామని నితిన్ యాదవ్ చెప్పారు.
ఎవరైనా ఆన్‌లైన్ లేదా ఆఫ్‌లైన్‌లో రూమ్‌లను బుక్ చేసుకోవచ్చు. ఈ డేరా నగరం వీవీఐపీలకు మాత్రమే అని కాదు. డేరా నగరంలో సాంస్కృతిక కార్యక్రమాల వేదికను కూడా తయారు చేశారు. అక్కడ రాంలీలా షో కూడా ప్రదర్శించనున్నారు. ప్రాంగణంలోకి ప్రవేశించిన వెంటనే, రంధున్ ఆనందిస్తారు.
ఒకరోజుకు బుకింగ్ ఎంత?
ఒక రాత్రికి రూ. 9000లతో బ్రహ్మకుండ్ టెంట్ సిటీలో ఒక గదిని బుక్ చేసుకోవచ్చు. కుర్చీతో కూడిన డ్రెస్సింగ్ టేబుల్, సోఫా సెట్, చిన్న ఫ్రిజ్, టీవీ, టీ,కాఫీ మేకర్‌తో కూడిన ఎలక్ట్రిక్ కెటిల్, హాట్ వాటర్ షవర్, లగేజీ మరియు షూ రాక్, సెక్యూరిటీ లాకర్, రూమ్ హీటర్, ఇంటర్‌కామ్ సౌకర్యం అందుబాటులో ఉంటుంది.
సాధువులు బాగ్ బిజేసిలో
శ్రీ రామ జన్మభూమి తీర్థ క్షేత్ర ట్రస్ట్ తరపున, రామ మందిరం సమీపంలోని కరసేవక్ పురంలో సుమారు 3 ఎకరాలలో టెంట్ సిటీ సిద్ధంగా ఉంది. టిన్ షీట్లతో చేసిన గదుల వరుసలలో ఒక్కొక్కటి 10 పడకలు ఉన్నాయి. 1000 మంది ఇక్కడే ఉండేలా నిబంధన ఉందని అక్కడ ఉన్న ఉద్యోగులు చెబుతున్నారు. ఒక రెస్టారెంట్ కూడా ఉంది. మణిపర్వతం సమీపంలోని బాగ్ బిజేసీలో 25 ఎకరాల్లో టెంట్ సిటీ నిర్మాణం జరుగుతోంది. ఆలయం నుండి దీని దూరం దాదాపు ఒక కిలోమీటరు ఉంటుంది. ఇక్కడ 15000 మంది బస చేసేందుకు ఏర్పాట్లు ఉన్నాయి. ఈ డేరా నగరం 5 నగరాలుగా విభజించబడింది. మొత్తం టెంట్ సిటీలో 4 నుంచి 5 రెస్టారెంట్లు ఉంటాయి. ప్రాణ ప్రతిష్ట కోసం ఆహ్వానించబడిన సాధువులు, ఋషులు ఇక్కడ బస చేస్తారు. హవన్ కుండ్లను కూడా నిర్మిస్తున్నారు. రామాలయానికి 500 మీటర్ల దూరంలో మణిరామ్ దాస్ కంటోన్మెంట్ వద్ద ఉన్న టెంట్ సిటీలో 1200 నుండి 1500 మందికి వసతి కల్పిస్తారు.
గుప్తర్ ఘాట్ వద్ద 20 ఎకరాల్లో 300 టెంట్లు
గుప్తర్ ఘాట్ వద్ద 20 ఎకరాల్లో 300 టెంట్లను ఏర్పాటు చేస్తున్నట్లు అయోధ్య డెవలప్‌మెంట్ అథారిటీ (ఏడీఏ) అధికారి ఒకరు తెలిపారు. ఒక్కో టెంట్‌లో ఇద్దరు నుంచి ముగ్గురు వరకు ఉండొచ్చు. దీని ప్రకారం, సుమారు 1000 మంది అతిథులకు వసతి కల్పించే సామర్థ్యం ఉంది. మున్సిపల్ కార్పొరేషన్ కూడా 5000 మందికి సరిపడేలా ఏర్పాట్లు చేస్తోంది. అయోధ్యలో మొత్తం 12 నుంచి 15 వేల మంది ఉండేలా ఏర్పాట్లు చేశామని ఆయన స్పష్టంగా చెబుతున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
