వీధి కుక్కపై ఓ వ్యక్తి అత్యాచారానికి పాల్పడిన ఘటన బీహార్ రాష్ట్రంలో చోటు చేసుకుంది. ఈ వీడియో సోషల్ మీడియోలో వైరల్ గా మారింది. ఓ స్వచ్ఛంద సంస్థ సభ్యురాలు ఈ ఘటనపై ఫిర్యాదు చేశాడు. పోలీసులు కేసు నమోదు చేసుకొని దర్యాప్తు ప్రారంభించారు.
బీహార్లోని పాట్నాలో దారుణం జరిగింది. పట్టపగలు వీధి ఆడ కుక్కపై ఓ వ్యక్తి అత్యాచారానికి పాల్పడ్డాడు. అయితే ఈ చర్య అంతా అక్కడున్న సీసీ కెమెరాలో రికార్డు అయ్యింది. ఈ వీడియోను జంతు ప్రేమికురాలు ప్రియా ధోత్రే ఇన్స్టాగ్రామ్లో షేర్ చేశారు. దీంతో అది వైరల్ గా మారింది.
అమానుషం.. కరుస్తుందని కుక్కను బండికి కట్టి.. కిలోమీటర్ల మేర ఈడ్చుకెళ్లి.. చివరికి..
ఈ దారుణ ఘటన హోలీ రోజున సీసీటీవీ ఫుటేజీ రికార్డయిందని ప్రియా తెలియజేశారు. ఫుల్వారీ షరీఫ్లోని ఫైసల్ కాలనీలో ఇది చోటుచేసుకుందని తెలిపారు. దీంతో నిందితుడిపై పాట్నాలోని ఫుల్వారీ షరీఫ్ పోలీసులకు ఫిర్యాదు చేసినట్టు పేర్కొన్నారు. భూరి ఫౌండేషన్ అనే జంతు స్వచ్ఛంద సంస్థ నుండి ఆమె ఈ ఫిర్యాదు చేసింది.
ఈ విషయాన్ని సీరియస్ గా తీసుకోవాలని, సమగ్ర దర్యాప్తు చేయాలని అధికారులను ఆమె ఇన్స్టాగ్రామ్ పోస్ట్లో కోరారు. దీంతో పాట్నా పోలీసులు కేసు దర్యాప్తు ప్రారంభించారు. ఈ ఘటనపై అసిస్టెంట్ సూపరింటెండెంట్ ఆఫ్ పోలీస్, ఫుల్వారీ షరీఫ్ మనీష్ కుమార్ మాట్లాడుతూ.. ఈ దుశ్చర్యపై ఫిర్యాదు అందిందని, ఐపీసీ, జంతు చట్టం ప్రకారం చర్యలు తీసుకుంటామని పేర్కొన్నారు.
ఇలాంటి అసహజమైన, హేయమైన చర్య జరగడం ఇదే మొదటిసారి కాదు. గతంలో ఢిల్లీ ఇంద్రపురి ప్రాంతంలోని జేజే కాలనీలో కూడా ఇలాంటి ఘటనే ఒకటి చోటు చేసుకుంది. అక్కడ ఆడ కుక్కపై అత్యాచారం చేస్తూ సతీష్ అనే వ్యక్తి పట్టుబడ్డాడు. నాగ్పూర్ లోని హడ్కేశ్వర్ ప్రాంతంలో కూడా 40 ఏళ్ల వ్యక్తి వీధికుక్కపై అత్యాచారం చేసేందుకు ప్రయత్నించాడు. ఈ వీడియో కూడా వైరల్ అయ్యింది. దీంతో నిందితుడిపై సెక్షన్ 377 (ప్రకృతి క్రమానికి వ్యతిరేకంగా శారీరక సంబంధం), 294 (అశ్లీలత), భారతీయ శిక్షాస్మృతి, జంతువులపై క్రూరత్వ నిరోధక చట్టం కింద ఇతర నేరాల కింద అభియోగాలు మోపారు. అనంతరం అతడిని అరెస్టు చేశారు.
పెరుగుతున్న కరోనా కేసులు.. కొత్త మార్గదర్శకాలు జారీ చేసిన కేంద్రం
ముంబై పోవాయ్లోని హీరా పన్నా మాల్లో 6 నెలల కుక్కపిల్లపై ఫుడ్ డెలివరీ బాయ్ అత్యాచారానికి పాల్పడ్డారు. దీంతో జంతు కార్యకర్త, బాంబే యానిమల్ రైట్స్ అనే స్వచ్ఛంద సంస్థ అతడిపై ఫిర్యాదు చేసింది. ఆ ఫిర్యాదు మేరకు నిందితుడిని పోలీసులు అరెస్టు చేశారు.
