ఉత్తరప్రదేశ్ లో దారుణం.. రోడ్డు ప్రమాదంలో యువకుడు మృతి.. మృతదేహంపై నుంచి వెళ్లిన వందల వాహనాలు..

ఉత్తరప్రదేశ్ లో ఘోర రోడ్డు ప్రమాదం జరిగింది. మధ్యప్రదేశ్ కు చెందిన ఓ యువకుడిని గుర్తు తెలియని వాహనం ఢీకొట్టి వెళ్లిపోయింది. దీంతో అతడు అక్కడికక్కడే చనిపోయాడు. కానీ దట్టమైన మంచు పొగ ఉండటంతో వెనకాల వచ్చిన వాహనాలు డెడ్ బాడీపై నుంచే ప్రయాణించాయి. 

Kanpur Dead body found hanging from noose in Gurdwara sub inspector niece wrote in suicide note now bored with life

ఉత్తరప్రదేశలో దారుణం జరిగింది. ఓ రోడ్డు ప్రమాదంలో యువకుడు మరణించాడు. అయితే అతడి మృతదేహం రోడ్డుపైన పడి ఉన్నప్పటికీ వందల వాహనాలు పైనుంచే వెళ్లిపోయాయి. పొగమంచు కారణంగా మృతదేహం కనిపించకపోవడంతో ఇది చోటు చేసుకుంది. దీంతో మృతదేహం ముక్కలు ముక్కలుగా మారింది.

ఉత్తర్‌ప్రదేశ్‌లోని ఆగ్రా-దిల్లీ జాతీయ రహదారిపై ఈ ప్రమాదం చోటు చేసుకుంది. మధ్యప్రదేశ్‌ రాష్ట్రంలోని గోవింద్‌నగర్‌ ప్రాంతానికి చెందిన 30 ఏళ్ల చరణ్‌ నర్వారియా అనే యువకుడు బైక్ పై జనవరి 1వ తేదీన రాత్రి ప్రయాణిస్తున్న సమయంలో ఈ ప్రమాదం జరిగింది. ఓ గుర్తు తెలియని వాహనం అతడిని ఢీకొట్టి వెళ్లిపోయింది. ఈ ఘటనలో అతడు చనిపోయాడు. అయితే దట్టమైన పొగమంచు వల్ల అతడి మృతదేహం ఎవరికీ కనిపించలేదు. 

ఆ సమయంలో రోడ్డుపైన ప్రయాణించే వందల వాహనాలు అతడి మృతదేహం నుంచే వెళ్లాయి. దీంతో శరీరం నుజ్జు నుజ్జు అయిపోయింది. రాత్రంతా ఇలా వాహనాలు వెళ్తూనే ఉండటంతో శరీరం ముక్కలు ముక్కులుగా మారి రహదారి పొడవునా విస్తరించాయి. ఆ ప్రాంతంలోని దాబాల్లో పని చేస్తున్న కొందరు వ్యక్తులు సోమవారం ఉదయం 7 గంటల ప్రాంతంలో నడిరోడ్డుపై ముక్కలు ముక్కలుగా పడి ఉన్న మృతదేహాన్ని చూశారు. దీంతో పోలీసులకు సమాచారం అందించారు. ఈ ప్రమాదంపై మధ్యప్రదేశ్‌లోని మృతుడి బంధువులకు సమాచారం అందించామని స్టేషన్ ఆఫీసర్ ఆనంద్ కుమార్ షాహి తెలిపారు.

ఇలాంటి ఘటనే ఢిల్లీలోని కంఝావ్లా-సుల్తాన్‌పురిలో కూడా రెండు రోజుల కిందట వెలుగులోకి వచ్చింది. న్యూ ఇయర్ రోజు తెల్లవారుజామున స్కూటీ నడుపుతున్న యువతిని ఓ కారు ఢీకొట్టింది. దీంతో ఆమె కారు కింది భాగంలో చిక్కుకుపోయింది. ఆ కారు అలాగే కొన్ని కిలోమీటర్ల మేర ఆమె బాడీని ఈడ్చుళ్లింది. దీంతో ఆ యువతి మరణించింది. ఈ ఘటన దేశ వ్యాప్తంగా సంచలనం రేకెత్తించింది. దీనిపై ఢిల్లీ సీఎం కేజ్రీవాల్, లెఫ్టినెంట్ గవర్నర్ సక్సేనా దిగ్భ్రాంతి వ్యక్తం చేశారు. నిందితులపై చట్టరీత్యా కఠిన చర్యలు తీసుకుంటామని తెలిపారు. కాగా.. ఈ ఘటనలో ప్రమేయం ఉందని భావిస్తున్న ఐదుగురు వ్యక్తులను అదుపులోకి తీసుకున్నారు.