ప్రతిపక్ష నేతగా రాహుల్ గాంధీ మరింత బాధ్యతాయుతంగా మాట్లాడాలని ఆర్ఎస్ఎస్ పేర్కొంది. ఆయనకు సొంత రాజకీయ ఎజెండా ఉన్నప్పటికీ.. వాస్తవికతను దృష్టిలో ఉంచుకొని మాట్లాడాలని తెలిపింది.
యూకేలో ఆర్ఎస్ఎస్ పై రాహుల్ గాంధీ చేసిన వ్యాఖ్యలపై ఆ సంస్థ స్పందించింది. ఏదైనా మాట్లాడే ముందు ప్రతిపక్ష నేతగా వాస్తవికతను చూడాలని సూచించింది. ఆయనకు సొంత రాజకీయ ఎజెండా ఉండవచ్చని, కానీ బాధ్యతాయుతంగా మాట్లాడాలని చెప్పింది. పానిపట్ సమీపంలోని సమల్ఖాలో ఆర్ఎస్ఎస్ అత్యున్నత నిర్ణాయక సంస్థ అఖిల భారతీయ ప్రతినిధి సభ మూడు రోజుల సమావేశం అనంతరం ఆ సంస్థ ప్రధాన కార్యదర్శి దత్తాత్రేయ హోసబలే మీడియాతో మాట్లాడారు.
కర్ణాటకలో బీజేపీ ఓటమి అంటూ సర్వే?.. కన్నడప్రభ పేరుతో ఫేక్ రిపోర్టు..
‘‘ఒక ప్రముఖ ప్రతిపక్ష నేతగా ఆయన మరింత బాధ్యతాయుతంగా మాట్లాడాలి. ఆయనకు సొంత రాజకీయ ఎజెండా ఉన్నా.. వాస్తవికతను చూడాలి. ’’ అని అన్నారు. భారత్ లో ప్రజాస్వామ్యానికి ముప్పు పొంచి ఉందన్న రాహుల్ వ్యాఖ్యలపై హోసబలే స్పందిస్తూ.. భారత్ ను జైలుగా మార్చిన వారికి దేశంలో ప్రజాస్వామ్యంపై వ్యాఖ్యానించే హక్కు లేదన్నారు. ‘‘ఆయన పూర్వీకులు కూడా సంఘ్ కు వ్యతిరేకంగా కొన్ని చర్యలు తీసుకున్నారు. కానీ ప్రజలకు నిజం తెలుసు. ఎమర్జెన్సీ సమయంలో నాతో పాటు వేలాది మందిని జైళ్లలో పెట్టారు. దీనికి వారు (కాంగ్రెస్) ఇంకా క్షమాపణలు చెప్పలేదు. ప్రజాస్వామ్యం గురించి మాట్లాడే నైతిక హక్కు ఉందా అని దేశం వారిని అడుగుతోంది. ప్రజాస్వామ్యం ఎలా ప్రమాదంలో పడింది? దేశ వ్యాప్తంగా ఎన్నికలు జరుగుతున్నాయి.’’ అని చెప్పారు.
ఇటుక బట్టీలో ఊపిరాడక ఐదుగురు కార్మికులు మృతి
‘‘దేశ వ్యాప్తంగా ఉన్న సూచనలను తీసుకుని ప్రభుత్వం జాతీయ విద్యావిధానాన్ని రూపొందించింది. నేషనల్ అడ్వైజరీ కౌన్సిల్ (యూపీఏ హయాంలో సోనియాగాంధీ నేతృత్వంలో ఉండేది) ద్వారా కూడా విధానాలు రూపొందించారు. సభ్యులు కానివారు చైర్మన్లు అయ్యి ఖజానా నుంచి కోట్లకు పడగలెత్తారు. ఇది ప్రజాస్వామ్యమా? అందుకే మా పని మనం చేసుకుంటూనే ఉంటాం అని చెబుతూనే ఉన్నాను. హాథీ ఆగే చల్తా రహేగా.’’ అని అన్నారు.
ప్రముఖ ముస్లిం వ్యక్తులతో ఆర్ఎస్ఎస్ నేతల సమావేశాలపై అడిగిన ప్రశ్నకు బదులిస్తూ.. ఆర్ఎస్ఎస్ ద్వారా ఎలాంటి ప్రమేయం లేదని, కానీ అవతలి వైపు నుండి చొరవ వస్తే కలవడానికి సిద్ధంగా ఉందని తెలిపింది. స్వలింగ సంపర్కుల వివాహంపై హోసబలే మాట్లాడుతూ... సంఘ్ కేంద్రం అభిప్రాయాలతో సమానంగా ఉందని, వ్యతిరేక లింగాలకు చెందిన ఇద్దరు వ్యక్తుల మధ్య మాత్రమే వివాహం జరుగుతుందని అన్నారు.
ఢిల్లీ లిక్కర్ స్కాంలో కవితకు సుప్రీంలో చుక్కెదురు: స్టేకి నిరాకరణ
‘‘వివాహాలు రెండు వ్యతిరేక లింగాల మధ్య జరగవచ్చు. హిందూ జీవితంలో వివాహం సంస్కారం కాదు. అది ఆనందం కోసం కాదు. ఒప్పందం కూడా కాదు. కలిసి జీవించడం వేరు. కానీ వివాహం అని పిలువబడేది వేలాది సంవత్సరాలుగా హిందూ జీవితంలో ఒక ‘సంస్కారం’. అంటే ఇద్దరు వ్యక్తులు వివాహం చేసుకుని తమ కోసం మాత్రమే కాకుండా కుటుంబం కోసం, సామాజిక శ్రేయస్సు కోసం కలిసి జీవిస్తారు. పెళ్లి అనేది లైంగిక సుఖం కోసమో, ఒప్పందం కోసమో కాదు’’ అని అన్నారు.
