ప్రధాని నరేంద్ర మోదీ విద్యార్హత డిగ్రీపై చేసిన వ్యాఖ్యలపై అరవింద్ కేజ్రీవాల్, సంజయ్ సింగ్లపై గుజరాత్ యూనివర్సిటీ రిజిస్ట్రార్ పీయూష్ పటేల్ పరువునష్టం కింద ఫిర్యాదు చేశారు.
ఢిల్లీ ముఖ్యమంత్రి అరవింద్ కేజ్రీవాల్ , ఆమ్ ఆద్మీ పార్టీ ఎంపీ సంజయ్ సింగ్ పై గుజరాత్ విశ్వవిద్యాలయం పరువు నష్టం దావా వేసిన విషయం తెలిసిందే. అయితే.. ఈ పరువు నష్టం కేసులో జూలై 26న దిగువ కోర్టు సమన్లను సవాలు చేస్తూ.. గుజరాత్లోని సెషన్స్ కోర్టులో పిటిషన్లు దాఖలు చేశారు. న్యాయమూర్తి యూనివర్శిటీకి, రాష్ట్ర ప్రభుత్వానికి నోటీసులు జారీ చేశారు. ఈ అంశంపై ఆగస్టు 5 న విచారణ జరుగుతుంది. ప్రధానమంత్రి నరేంద్రమోదీ విద్యార్హత డిగ్రీకి సంబంధించి కేజ్రీవాల్, ఆప్ ఎంపీ సంజయ్ సింగ్ చేసిన వ్యంగ్య, అవమానకరమైన వ్యాఖ్యలపై యూనివర్సిటీ రిజిస్ట్రార్ పీయూష్ పటేల్ పరువునష్టం ఫిర్యాదును దాఖలు చేశారు. వారి ప్రకటనల వల్ల విశ్వవిద్యాలయం పరువు దెబ్బ తింటుందనీ, యూనివర్సటీ నకిలీ, బోగస్ డిగ్రీలను జారీ చేస్తుందనే అభిప్రాయాన్ని కలిగిస్తుందని వాదించారు. ఈ నేపథ్యంలో ఏప్రిల్లో ఒక క్రిమినల్ పరువు నష్టం కేసును కోర్టు అంగీకరించింది. వారి వాంగ్మూలాల రికార్డు కోసం ఇరువురు నేతలను పిలిపించారు.
జూలై 13న జరిగిన చివరి విచారణలో ఢిల్లీలో భారీ వర్షాల కారణంగా తాము హాజరు కాలేమని కేజ్రీవాల్, మిస్టర్ సింగ్ తరపు న్యాయవాది చెప్పారు. దీంతో కోర్టు వారిని జూలై 26న హాజరుకావాలని ఆదేశించింది. తాజా అప్పీల్లో సమన్లు జారీ చేయడం ద్వారా మేజిస్ట్రేట్ కోర్టు "చట్టపు తప్పిదానికి పాల్పడిందని" వారు వాదించారు. CrPC సెక్షన్ 199 పరువు నష్టం ఫిర్యాదును "బాధితుడైన వ్యక్తి" ద్వారా మాత్రమే నమోదు చేయవచ్చని నిర్దేశిస్తుంది. అయితే.. ఫిర్యాదు స్వయంగా "జియు రిజిస్ట్రార్ పీయూష్ పటేల్ పరువు తీశారని పేర్కొన్నట్లు కూడా ఆరోపించలేదని వారి పిటిషన్ వాదించింది. అంతేకాకుండా.. గుజరాత్ యూనివర్సిటీ వైస్-ఛాన్సలర్ మిస్టర్ పటేల్కు (ఫిర్యాదుదారుగా ఉండటానికి) ఇచ్చిన అధికార లేఖలో ఫిర్యాదు, చర్యకు గల కారణాల గురించి ఎటువంటి సూచన లేదు. ఆ లేఖలో ఆప్ నేతల పేర్లు కూడా లేవని వారు వాదించారు. సమన్లను పక్కన పెట్టాలని, పరువునష్టం ఫిర్యాదును రద్దు చేయాలని కోర్టును కోరారు.
గతంలొ గుజరాత్ యూనివర్సిటీ (జియు) ఫిర్యాదు మేరకు ఆమ్ ఆద్మీ పార్టీ (ఆప్) నేతలిద్దరిపైనా కేసు నమోదు చేశారు. ప్రధాని మోదీ అకడమిక్ డిగ్రీపై చీఫ్ ఇన్ఫర్మేషన్ కమిషనర్ ఉత్తర్వులను గుజరాత్ హైకోర్టు కొట్టివేసిన తర్వాత ఇద్దరు నేతల వ్యాఖ్యలపై గుజరాత్ యూనివర్సిటీ రిజిస్ట్రార్ పీయూష్ పటేల్ పరువు నష్టం దావా వేశారు.
ఫిర్యాదులో ఏం చెప్పారు?
ప్రధాని మోదీ డిగ్రీపై యూనివర్శిటీని లక్ష్యంగా చేసుకుని ఇరువురు నేతలు విలేకరుల సమావేశాల్లోనూ, ట్విట్టర్లోనూ అవమానకర ప్రకటనలు చేశారని ఫిర్యాదులో పేర్కొన్నారు. గుజరాత్ యూనివర్శిటీకి వ్యతిరేకంగా ఆయన చేసిన వ్యాఖ్యలు అవమానకరమని, యూనివర్శిటీ ప్రతిష్టను దిగజార్చేలా ఉన్నాయని పేర్కొంది.
కేజ్రీవాల్, సంజయ్ సింగ్ ఏం చెప్పారు?
ఫిర్యాదుదారు చేసిన కొన్ని వ్యాఖ్యలు కేజ్రీవాల్కు ఆపాదించబడినవి. డిగ్రీ ఉంది అది నిజమైనది అయితే.. ఎందుకు ఇవ్వడం లేదు?. అది నకిలీ కావచ్చు , కాబట్టి వారు డిగ్రీలు ఇవ్వడం లేదు. ప్రధానమంత్రి ఢిల్లీ విశ్వవిద్యాలయం, గుజరాత్ విశ్వవిద్యాలయంలో చదివితే.. వారు తమ విద్యార్థి దేశానికి ప్రధానమంత్రి అయ్యాడని సంబరాలు చేసుకోవాలి. సంజయ్ సింగ్ మాట్లాడుతూ.. వారు (GU) PM యొక్క నకిలీ డిగ్రీని నిజమైనదని నిరూపించడానికి ప్రయత్నిస్తున్నారని అన్నారు. కేజ్రీవాల్, సింగ్ల ప్రకటనలు గుజరాత్ విశ్వవిద్యాలయం నకిలీ , బోగస్ డిగ్రీలను జారీ చేస్తున్నాయని నమ్మడానికి దారితీస్తుందని ఫిర్యాదుదారు తరపు న్యాయవాది వాదించారు.