జమ్మూ కాశ్మీర్ లో మ‌రో బ్లాస్ట్.. 8 గంట‌ల్లో రెండో సారి బస్సులో పేలుడు..
జమ్మూ కాశ్మీర్ లో ఆగి ఉన్న బస్సుల్లో గురువారం పేలుడు సంభవించింది. అంతకు 8 గంటల ముందు కూడా ఇలాంటి బస్సు పేలుడు ఘటన చోటు చేసుకుంది.
జమ్మూకాశ్మీర్ లోని ఉదంపూర్ జిల్లాలో గురువారం బాంబు పేలింది. పాత బస్టాండ్‌లో ఆగి ఉన్న బస్సులో గురువారం తెల్లవారుజామున ఈ మిస్ట‌రీ బ్లాస్ట్ జ‌రిగింది. 8 గంటల వ్య‌వ‌ధిలో ఇది రెండో ఘటన.
దారుణం : భర్తమీద కోపంతో.. మామ మర్మాంగాన్ని కోసేసిన కోడలు..
అయితే ఈ ఘటనలో ఎలాంటి ప్రాణ న‌ష్ట‌మూ జ‌ర‌గ‌లేదు. ఎవ‌రికీ గాయాలు కాలేదు. ఈ ప్ర‌మాదం తెలిసిన వెంట‌నే జమ్మూ కాశ్మీర్ పోలీసులు, ఇతర భద్రతా దళాలు ఘటనా స్థలానికి చేరుకున్నాయి.
సీనియర్ నటి వాణిశ్రీ స్థలం కబ్జా.. 11యేళ్ల తరువాత తిరిగి అప్పగించిన సీఎం..
ఇదిలా ఉండగా.. బుధవారం రాత్రి 10:45 గంటల ప్రాంతంలో డొమైల్ చౌక్ వద్ద ఇలాంటి ఘ‌ట‌నే జ‌రిగింది. ఆగి ఉన్న బస్సులో ఇలాగే పేలుడు సంభవించింది. ఈ ప్ర‌మాదంలో ఇద్ద‌రికి గాయాలు అయ్యాయి. అయితే తాజా ఘటన జ‌రిగిన ప్రాంతానికి ఈ డొమైల్ చౌక్ కేవలం 4 కిలోమీటర్ల దూరంలోనే ఉంటుంది.
PFI: పీఎఫ్ఐపై నిషేధం నేప‌థ్యంలో ఢిల్లీలో పోలీసులు హై అల‌ర్ట్
ఈ ఘ‌ట‌న‌ల‌పై జమ్మూకాశ్మీర్ ఐజీ ముఖేష్‌సింగ్‌ మాట్లాడుతూ.. ఇప్పటి వరకు 2 పేలుళ్లు జరిగాయని తెలిపారు. ఉధంపూర్‌లోని వివిధ ప్రాంతాల్లో ఆగి ఉన్న బస్సులో ఈ పేలుళ్లు సంభవించాయ‌ని, ఒక పేలుడు రాత్రి జరిగిందని, ఇందులో ఇద్దరు వ్యక్తులు గాయపడ్డార‌ని చెప్పారు. మ‌రో ఘటన ఉధంపూర్ బస్టాండ్‌లో ఆగి ఉన్న బస్సులో జరిగిందని, ఇందులో ఎవ‌రూ చ‌నిపోలేద‌ని అన్నారు. కేసు దర్యాప్తు చేస్తున్నామ‌ని తెలిపారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
