మోడీతో రాహుల్ కౌగిలింత: అమూల్ ఏం చేసిందంటే?
న్యూఢిల్లీ: కేంద్రంపై అవిశ్వాసంపై జరిగిన చర్చలో పాల్గొన్న తర్వాత ప్రధానమంత్రి మోడీని కౌగిలించుకొని ఆ తర్వాత తన స్థానంలోకి వచ్చి కన్నుగీటాడు కాంగ్రెస్ పార్టీ చీఫ్ రాహుల్ గాంధీ. అయితే ఈ ఘటన పార్లమెంట్‌లో నవ్వులు తెప్పించింది.
న్యూఢిల్లీ: కేంద్రంపై అవిశ్వాసంపై జరిగిన చర్చలో పాల్గొన్న తర్వాత ప్రధానమంత్రి మోడీని కౌగిలించుకొని ఆ తర్వాత తన స్థానంలోకి వచ్చి కన్నుగీటాడు కాంగ్రెస్ పార్టీ చీఫ్ రాహుల్ గాంధీ. అయితే ఈ పరిణామం పార్లమెంట్‌లో నవ్వులు కురిపించింది. ఇదిలా ఉంటే ఈ సన్నివేశాన్ని అమూల్ కంపెనీ డిజైన్ చేసిన పోస్టర్ ప్రస్తుతం సోషల్ మీడియాలో హట్‌ టాపిక్‌ గా మారింది. అమూల్ రూపొందించిన ఈ పిక్చర్‌ను పలువురు నెటిజన్లు ఆకాశానికెత్తుతున్నారు.
కేంద్రంపై అవిశ్వాసంపై చర్చ సందర్భంగా రాహుల్ గాంధీ మోడీతో కలిసి కరచాలనం చేయడమే కాకుండా ఆయనను ఆలింగనం చేసుకొన్నాడు. ఆ తర్వాత త న స్థానంలోకి వచ్చి కూర్చొని కన్నుగీటాడు.ఈ విషయమై స్పీకర్ సుమిత్రా మహజన్ రాహుల్ తీరును తప్పుబట్టారు. నియమనిబంధనలకు అనుగుణంగా నడుచుకోవాలని సూచించారు.
#Amul Topical: Hugs in Parliament.... pic.twitter.com/dNurd7XDaX
— Amul.coop (@Amul_Coop) July 20, 2018
ఇదిలా ఉంటే మోడీ, రాహుల్ కౌగించుకొన్నట్టుగా అమూల్ తాజాగా ఓ పోస్టర్‌ను విడుదల చేసింది. రాహుల్, మోదీని కౌగిలించుకోవడాన్ని ఉటంకిస్తూ.. Embracing Ya embarrassing’ అంటూ ఓ పిక్చర్‌ను విడుదల చేసింది. రాహుల్ గాంధీ కన్నుకొట్టడాన్ని కూడ ఆ పిక్చర్ లో వేసింది. తాజాగా పార్లమెంట్‌లో చోటు చేసుకొన్న పరిణామాలను ప్రతిబింబించేలా అమూల్ రూపొందించిన ఈ పిక్చర్ నెటిజన్ల నుండి ప్రశంసలు పొందుతోంది.
పలువురు నెటిజన్లు ఆమూల్‌ను ఆకాశానికి ఎత్తుతున్నారు. వ్యంగ్యంతో పాటు హస్యాన్ని ప్రతిబింబించేలా కరెంట్ టాపిక్స్‌తో పిక్చర్స్‌ను రూపొందిస్తున్న అమూల్ బెస్ట్ అంటూ నెటిజన్లు ప్రశంసలు కురిపిస్తున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
